26
Yave I Bwadudabadaba Aisake
Ina Sawanuwagabubuwiya Maise Ebenaamu
Ina Sawanuwagabubuwiya Maise Ebenaamu
1 Noga nakasina manatuwaina Ebenaamu yana tovai maise, yota Kenani i visavavinisiya. Na fasinei Aisake i niya menana Gena nenei, Finisitiya kana tufomu kana wava Abimeneki nenei.
2 Yave i kenokikinomana Aisake nenei keta i iyaviya i bwaduwa, “Muka kuna nai Itifita eatu namai fwayafwayanama ana iyaviwa nenei, nokomai kuna fakwa. 3 Kabikona 22:16-18Nofemai simokaḡamoka kuna fakwa. Iyau kwaḡa nukusi eketa ana sawanuwagabubuwiwa. Fwayafwayanama nofe matatafuna susukwau nukusi ana venimiya ebe avana amau Ebenaamu a bwadudabedabiya maise, bwadudabadabanama ana givifakiniya. 4 Susukwau yagwanina ana veniwa maise kinavinavi kasi yagwana abamai. Keta fwayafwayanama nofe matatafuna ana venisiya. Tasike nenesiyai, kunuma matatafusi fwayafwaya etanei ana sawanuwagabubuwisiya. 5 Uḡuna Ebenaamu fonaku i muniiya, yaku bwadu i nowaniya yota yaku gisawakedana be yaku visime matatafuna, i muniyekoḡoiya.” 6 Na uḡuna eketa Aisake i fakwa menana Gena nenei.
Muniyai Aisake i niya keta Biyasiba i fakwa. Tovanama yana vituveka nenei, natuna gwadiyei Yakobo i nonuya. Vikanononowai, vikinuna kana sawanuwagabubu i viya. Tovanama Isowa i nowaniya, i kayokuḡa keta nuwanuwana ita nuvimatiya.