1 Kings
Gulagulau Naona
Pariverena
Wei bukana ana ḡuta tonuḡa, ḡuta tagogi (Kapita 1-2) lamna gulau David ana iraḡe i bababaniei ma natuna Solomon tauna ana gabu i viaia da i vigulau. Ḡuta viruaina (Kapita 3-11) Solomon ana vibada mai Israel awari lamna e vivieḡeta ma menanare ana vibada nai au dobuna i tua-nae ma i rata. Ma maiteni e ririweta da tauna menanarena God ana tempol i voanei au Jerusalem. Ma ḡuta damona (Kapita 12-22) e ririweta da menanare mai Israel i kai da navanava ruaḡa, Israel ana dam ma Judah ana dam. Ma dam tagotagogi ava ai gulau i mae. Wei bukana lamna nai gulaui ai virarautua e bababaniei ma e viviatataieta da metaui gulaui Bada riwana i votaḡotaḡoi me David i kauei nanare, ma metaui gulaui Bada i mae-puputei ma god ḡelaui i raudunelei.
Wei bukana au orana.
Gulau David iʼraḡe ma natuna Solomon i vigulau (2:10-12)
Solomon God i vibaḡai da nualaula ma nota aiaina ita verei (9:3-5, 7-4, 16-18)
Solomon ana vibada i tua nae (4:20-21, 25)
Solomon God ana tempol i voai ma i raupariei (5:1-6, 6:1-7, 11-14, 8:1, 3-6, 10-11, 22-23, 27-30, 41-43)
Mai Sheba ai gulau wavinena Solomon i raugenari (10:1-9)
Solomon God i mae-puputei (11:1-5, 7-13, 26-33, 35, 40)
Solomon iʼraḡe ma natuna Rehoboam gabu i vaini (11:42-43)
Rava i kai da dam ruaḡa, Israel ma Judah (12:1-20)
Israel ai Gulau Ahab God i mae-puputei ma god ḡelaui i raudunelei (16:30-33)
Peroveta Elijah kaiababa ma natuna orotona i voagui (17:1, 8-16, 17-24)
Bada Baal ana peroveta i vovaiubai au ola Kamel (18:1-2, 17-46, 19:1-21)
2
David i ʼraḡe
10-11 ✡ 2Sa 5:4-5David Israel i vibadei madeḡa 40; au Hebron madeḡa 7 ma au Jerusalem madeḡa 33. David ana mara i kwa ma au Jerusalem au kokoaga noinoina au ririvai i vimataveni. 12 Ma Solomon amana ana gabu i vaia da Israel ai gulau ma God i kauei da ana vibada i virewapana.