23
KAWASANA OPU o Gembalaku Momalape
23:1-6
1 Zaburuna Daud.
KAWASANA OPU o gembalaku, iaku inda bhekukakuranga.
2 23:2 Wah. 7:17.Incia ataroakaaku kuponiunto i tana mokorumpu;
Incia abhawaaku i bhiwina uwe momalino.
3 Incia apekatangkaaku,
tee atondaaku i dhala mobanara
rampaakanamo sifatuna mboomo gembala momalape.
4 Moomini kudhala i nuncana mbolonga momalalanda mpuu,
iaku inda kumaeka balaa roonamo Ingkoo dhaangia i saripiku;
Ingkoo ujaganiaku
mboomo gembala mojaganina dumbana,
tee katuko ibhawamu, kunamisi kutohiburu.
5 Ingkoo upasiapuakaaku kinande
i aroana manga bhaliku.
I bhaaku ujampuakea tee mina-mina mawondu;
tondeku uantokiakea tee giu isumpu motaralabhi-labhi.
6 Kalape tee kaasi molagina bheaoseaku
saʼumurua dhadhiku,
tee iaku bhekumboore i nuncana Bhanuamu
saʼumurua.