99
Kawasana Opu, Raja Momangkilo
99:1-9
1 99:1 Limb. 25:22.KAWASANA OPU satotuuna o Raja!
Sumaimo manga lipu arengku!
Incia auncura i kauncuramakana i bhawona manga malaaʼekati kerub;*99:1 manga malaaʼekati kerub: Malaaʼekati igambaraaka mboomo mahaluku mokopani, agambaraaka kalangana Aulataʼala tee umbaana. Apogauakea ande kauncuramakana KAWASANA OPU dhaangia i bhawona manga malaaʼekati kerub. Dhaangia patuna rua malaaʼekati kerub i bhawona sorongana pojanjia tee i piamo itu Musa atarima firimanina Aulataʼala minaaka iwe sumai. Kamata Limb. 25:18-22.
taroakamo o dunia akohudha!
2 KAWASANA OPU momaoge i Sion;
Incia amalanga alabhi minaaka i bhari-bharia lipu.
3 Taroakamo manga incia apuji saromu momaoge tee motomaekana sumai.
Incia amangkilo mpuu!
4 Raja Momakaa, momaasiakana kaʼadili,
Ingkoo upadhamo upatotapu kabanara;
Ingkoo upadhamo uewaaka hukumu tee kaʼadili i tanga-tangana miana Israel.
5 Pekalangea o KAWASANA OPU, Aulataʼalata, tee usujumo usomba i polandakana aena!
Incia amangkilo mpuu!
6 Musa tee Harun adhaangia i tanga-tangana manga imamuna,
Samuel†99:6 Samuel: Nabii Samuel molantina Daud to amembali rajana miana Israel. atolentu i tanga-tangana manga mia mogoraakana sarona.
Manga incia agora i KAWASANA OPU, tee Incia alawania.
7 99:7 Limb. 33:9.Incia afirimani minaaka i ariina taʼina ngalu i manga incia;
manga incia akenia pekatangka manga parintana,
tee manga katotapu mopadhana idhawuakana to manga incia.
8 E KAWASANA OPU, e Aulataʼalamami,
Ingkoo padhamo ulawani manga incia.
Ingkoo o Aulataʼala moʼamponina dosana miana Israel,
maka Ingkoo uka mohukumuna manga incia wakutuuna apewau kasalaha.
9 Pekalangea o KAWASANA OPU, Aulataʼalata,
tee usujumo usombaia i gununa momangkilo;
roonamo o KAWASANA OPU Aulataʼalata, amangkilo.
99:1 99:1 Limb. 25:22.
*99:1 99:1 manga malaaʼekati kerub: Malaaʼekati igambaraaka mboomo mahaluku mokopani, agambaraaka kalangana Aulataʼala tee umbaana. Apogauakea ande kauncuramakana KAWASANA OPU dhaangia i bhawona manga malaaʼekati kerub. Dhaangia patuna rua malaaʼekati kerub i bhawona sorongana pojanjia tee i piamo itu Musa atarima firimanina Aulataʼala minaaka iwe sumai. Kamata Limb. 25:18-22.
†99:6 99:6 Samuel: Nabii Samuel molantina Daud to amembali rajana miana Israel.
99:7 99:7 Limb. 33:9.