116
Alapa minaaka i Katapu Imateaka
116:1-19
1 Iaku kumaasiaka KAWASANA OPU, sababuna Incia arango
goraku tee bhari-bharia iemaniku.
2 Roonamo Incia aperangoiaku,
sumaimo bhekugora i Incia saʼumurua dhadiku.
3 Manga katapu imateaka abulilingiaku,
kanarakaa i nuncana koburu angkakanaiku,
iaku kunamisi kaseke tee kaporo.
4 Kasiimpo kugoraaka sarona KAWASANA OPU,
"E KAWASANA OPU, pasalaamatia o inyawaku!"
5 KAWASANA OPU satotuuna amalape tee abanara;
Aulataʼalata satotuuna amaasiaka uumatina.
6 KAWASANA OPU ajagani manga mia inda momembalina motulungina karona.
Wakutuuna inda tee kakaaku, Incia mopasalaamatiaku.
7 E ngangarandaku, tanangimo pendua
roonamo KAWASANA OPU padhamo apewau malape tee ingkoo.
8 E KAWASANA OPU, Ingkoo padhamo upasalaamati inyawaku minaaka i mate,
ujagani mataku mamudhaakana inda kutangi,
tee upekatangka aeku mamudhaakana inda atosunu.
9 Iaku bhekudhala i aroana KAWASANA OPU,
i lipuna manga mia modhadhi.
10 116:10 2Kor. 4:13.Iaku sadhaadhaa kuparacaea, moomini wakutuuna kupogau,
"Iaku kunarakaa mpuu."
11 I wakutuuna kubingu kupogau,
"Bhari-bharia mia inda amembali atoparacaea."
12 Opea buaka momembalina ipasombaakaku i KAWASANA OPU to kubalasiaka
bhari-bharia kalapena incana to karoku?
13 Iaku bhekuangka tondena kasalaamati*116:13 tondena kasalaamati: Miana Israel kananeana apasombaaka angguru i nuncana tonde to tandana asukuru roonamo padhamo apasalaamatia Kawasana Opu.
tee kugoraaka sarona KAWASANA OPU.
14 Iaku bhekutolosi tolauna oniku i KAWASANA OPU
i aroana bhari-bharia uumatina.
15 Akoharagaa i matana KAWASANA OPU
matena manga mia mosaalihi.
16 E KAWASANA OPU, satotuuna iaku sii o bhatuamu.
Iakumo bhatuamu, o anana minaaka i bhatuamu bhawine.
Ingkoo padhamo urambasakaaku minaaka i kabhokeku.
17 Iaku bhekupasombaaka kurubani sukuru to Ingkoo†116:17 pasombaaka kurubani sukuru to Ingkoo: Kawasana Opu inda afaraluu opeopea to atopasombaaka i Incia (kamata Zab. 50:9-13). Bhari-bharia ipasombaaka satotuuna to amuliangi Incia, asukuru i Incia, tee mamudhaakana audhania Aulataʼala.
tee kugoraaka sarona KAWASANA OPU.
18 Iaku bhekutolosi tolauna oniku i KAWASANA OPU
i aroana bhari-bharia uumatina,
19 i tanalapana Baitullana KAWASANA OPU,
i tanga-tangamu, e Yerusalem!
Pujimea o KAWASANA OPU!
116:10 116:10 2Kor. 4:13.
*116:13 116:13 tondena kasalaamati: Miana Israel kananeana apasombaaka angguru i nuncana tonde to tandana asukuru roonamo padhamo apasalaamatia Kawasana Opu.
†116:17 116:17 pasombaaka kurubani sukuru to Ingkoo: Kawasana Opu inda afaraluu opeopea to atopasombaaka i Incia (kamata Zab. 50:9-13). Bhari-bharia ipasombaaka satotuuna to amuliangi Incia, asukuru i Incia, tee mamudhaakana audhania Aulataʼala.