121
KAWASANA OPU, Mojaganina Israel
121:1-8
1 Laguna ziara.
Iaku kupotingara i manga gunu,
minaaka iapai bheakawa o katulungi to iaku?
2 Katulungiku aumba minaaka i KAWASANA OPU,
mopadhaangiana laiana tee alamu.
3 Incia inda bheataroakako usindoli;
Incia mojaganiko tee inda akole.
4 Satotuuna, Incia mojaganina Israel
inda bheamangkoo matana atawa atokole.
5 KAWASANA OPU mojaganiko,
KAWASANA OPU o peulusamu i weta kaanamu.
6 Matanaeo inda bheapacilakako i wakutuuna eo,
atawa o bula i wakutuuna amalo.*121:6 Maʼanana mia bheaʼamani i wakutuuna eo tee malo.
7 KAWASANA OPU bheajaganiko minaaka i balaa,
Incia bheajagani inyawamu.
8 KAWASANA OPU bheajaganiko wakutuuna uumba tee ulingka,
pepuu sii-sii sakawana saʼumurua.