1 Aji Sax ji bañ na njublaŋ ci nattub diisaay,

ay nattukaay na mat, muy bànneexam.

2 Ku réy-réylu rus;

woyofal ndax nga xelu.

3 Kuy jubal, jiital mat.

Njublaŋ ak wor, detteelu.

4 Alal du jariñ bésu mbugal;

jub, mucc ci gàtt fan.

5 Ku mat, dëgg xàllal la;

coxor daaneel boroom.

6 Jubalal, sa jëfi njekk musal la;

ab workat day bëgge, ba far keppu.

7 Ab soxor saay, yaakaaram seey,

rawatina yaakaar ju sës ci alal.

8 Ku jub mucc ci njàqare,

ab soxor wuutu ko ca.

9 Ay sos la yéefar di loree dëkkandoom,

waaye kiy jëfe njekk, xam-xam la cay mucce.

10 Kiy jëfe njekk baaxle, waa dëkkam bànneexu;

ab saay-saay saay, mbégte dim riir.

11 Barkeb kiy jëfe njekk teral nab dëkk,

kàddug ku soxor tas nab dëkk.

12 Waxi xeebaate ñàkk bopp la,

ku am ag dégg day noppi.

13 Kuy wër di sos dangay wuññi sutura,

ku jara wóolu dangay am bàmmeelu biir.

14 Tegtal tumurànke, am réew suux;

digle bare, ndam dikk.

15 Bul gàddul kenn bor, di loru;

bañ koo dige, daldi am jàmm.

16 Jigéen, na yiw, ñu sagal ko;

góor gu néeg, alal doŋŋ.

17 Ku baax, boppam;

ku bon, boppam.

18 Coxor feyul boroom, day naxe;

deel def njekk, sag pey wóor.

19 Saxoo njekk, dund;

sàlloo mbon, dee rekk.

20 Aji Sax ji bañ na njublaŋ,

safoo ki mat.

21 Ab soxor mbugalam du jaas, wóor na;

te ku jëfe njekk, saw askan mucc.

22 Taaru jongama ju xel maa gàtt,

mooy jaaro wurus ci noppu mbaam-xuux.

23 Kiy jëfe njekk, lu baax rekk lay sàkku;

soxor biy yaakaar, mujje mbugal.

24 Nit a ngi tabe, di yokkule;

nit di nëŋ-nëŋi, gëna ñàkk.

25 Ku yéwén, woomle;

kuy suuxat, suuxu.

26 Nit a ngi móolu kuy denc pepp, ba mu ñàkkee,

di gërëm ka koy jaay.

27 Wutal a wut lu baax, ñu nawloo la;

ku sàkku lu bon, yaa koy yenu.

28 Ku yaakaar sa alal sab jéll a ngi ñëw,

ku jub day juble ni gàncax gu naat.

29 Kuy fitnaal sa waa kër doo donn dara,

ku dof, boroom xel yilif la.

30 Kuy jëfe njekk mbete garab guy taxa dund,

ku rafet xel am nit ñi.

31 Kuy jëfe njekk, jot yoolam ci kaw suuf,

ku soxor keek bàkkaarkat bi it daw raw.