1 Kuenta maa Jitoꞌo kuu ninii ñuyiu vi ndiꞌi tuꞌu ja oo nuu,

vi ndiꞌi ja ka jichi ka kanda.

2 Chi maa ya ni saꞌa ja ni junkoo ñuyiu siki ndute mar

vi ni jani ya siki taka yute.

3 ¿Te na in kuu kaa ndee nuu yuku Jitoꞌo?

¿Na in kuu kiuu nuu ii oo ya?

4 Maintnoꞌo na in oo vii ndaꞌa vi oo vii ini anu ja tu na yika kuechi saꞌa,

na in tu chiñuꞌu chuꞌchi ja tu ka jiniuꞌu,

ni tu kee yuꞌu jin tnoꞌo ja xndaꞌu ña.

5 Na in saꞌa siaꞌa, te niꞌi javii javaꞌa Jitoꞌo,

te maa Dios, ia skaku niꞌnu ña, saꞌa ndaa ya ja jaꞌi.

6 Te tatatnoꞌo yaꞌa ka kuu ñayiu ka ndanduku ña jin ia Dios,

te ka ndanduku ñai ja kuu ya ia Dios ndi Jacob ja vi koi jin ya.

7 Na ndanune yeꞌe veñuꞌu, na vi ndanune yeꞌe ja ka oo nikuii nikani,

nagua ja na ndiuu rey, ia yeꞌe tajan.

8 ¿Te na in kuu rey yeꞌe tajan yaꞌa?

Suu ya kuu Jitoꞌo, ia ndakui, ia tu yuꞌu,

Jitoꞌo, ia ndakui ja jaxin tnaꞌa ya.

9 Na ndanune yeꞌe veñuꞌu, na vi ndanune yeꞌe ja ka oo nikuii nikani,

nagua ja na ndiuu rey, ia yeꞌe tajan.

10 ¿Na in kuu rey yeꞌe tajan yaꞌa?

Suu ya kuu Jitoꞌo, ia ndakui ndevaꞌa.

Maa ya kuu rey, ia yeꞌe tajan.