1 Vi saꞌa kaꞌnu Jitoꞌo, roon ja ka oo ron ndee andivi,

te vi kuñaꞌa jayiñuꞌu vi jakaꞌnu nuu ya.

2 Vi saꞌa kaꞌnu Jitoꞌo ja koo jayiñuꞌu jin sivi ya.

Vi chiñuꞌu Jitoꞌo nuu veñuꞌu ii ndevaꞌa nuu oo ya.

3 Te vi suaꞌa niꞌi kana Jitoꞌo siki ndute mar,

te kaꞌndi saꞌa Dios, ia yeꞌe tajan ja oo ya siki ndute kuaꞌa nuu mar.

4 Te vi suaꞌa niꞌi jandakui ndevaꞌa kana Jitoꞌo,

te vi yeꞌe tajan kana ya.

5 Te vi tnaꞌnu yutnu kana Jitoꞌo,

te ni jaꞌnu Jitoꞌo tnu itni naꞌnu ka oo Líbano.

6 Te ni skanta ña ya jin Líbano na kuinio in chikeru ja kanta ti,

te ni skanta ya Sirión na kuinio seꞌe isndiki ka kuu búfalo.

7 Te nuu kana Jitoꞌo, te vi suaꞌa kandaꞌa ñuꞌu.

8 Te nuu kana Jitoꞌo, te vi suaꞌa kisi ñuꞌu teꞌa,

chi saꞌa Jitoꞌo ja kisi ñuꞌu teꞌa nani Cades.

9 Te vi ka tnaꞌnu tnu ndii nuu kana Jitoꞌo, te xndonso ya ndiꞌi yutnu ka oo yun.

Te ndiꞌi ñayiu ka kana ini veñuꞌu ya:

“Kaꞌnu kuu ia Dios”.

10 Maa Jitoꞌo tatnuni ya nuu sau,

te junkoo ya tatnuni ya ja kuu ya rey nikuii nikani.

11 Maa Jitoꞌo jiñaꞌa jandakui ñayiu ñuu ya.

Maa Jitoꞌo saꞌa vii saꞌa vaꞌa ñayiu ñuu ya ja vi koo mani.