1 ¡Kaꞌnu ndevaꞌa kuu Jitoꞌo!

Maa ni ja ka jinokuechi ni nuu ia Dios, vi saꞌa kaꞌnu ni Jitoꞌo,

vi saꞌa kaꞌnu ni sivi Jitoꞌo.

2 Na vi chiñuꞌo Jitoꞌo, ndee kiuu vitna vi nikuii nikani.

3 Na vi saꞌa kaꞌnuo Jitoꞌo, guaa ndee nuu jinonta nikandii

vi guaa ndee nuu makee.

4 Kaꞌnu ndevaꞌa kuu Jitoꞌo ja oo ya siki ndiꞌi ñuu,

te ja yeꞌe tajan ya oo ndee siki andivi.

5 Tu na inka ja kintnaꞌa inuu jin Jitoꞌo, ia kuu Dios mao,

ja nukoo ya ndee sukun yun tatnuni ya.

6 Su ndee yun jinkindei ya, te ndiaꞌa ya andivi vi nuu ñuyiu.

7 Te ndoneꞌe ya ñayiu ka kuu ndaꞌu guaa ndee nuu ñuyaka,

vi ndatau ya ñayiu tu saꞌun nagua ka nevaꞌa guaa ndee nuu miꞌi.

8 Te juntaa ña ya jin ñayiu ka kuu naꞌnu,

ja ka kui ñayiu ka nee tniuu naꞌnu nuu ñui.

9 Te jiñaꞌa ya in veꞌe nuu vi koo ñasiꞌi ja tu kuu ja vi koo seꞌe ña,

vi jiñaꞌa ya in jasii ini nuu ñasiꞌi yun ja kuu vi koo seꞌe ña.

¡Kaꞌnu kuu Jitoꞌo!