1 Nuu tnaꞌa san tnoꞌo suchi ini, te kana ndaꞌu san nuu Jitoꞌo,

te nini ya tnoꞌo kaꞌan san.

2 Skaku niꞌnu ña ni nuu ndaꞌa ñayiu inu tnoꞌo, vi Jitoꞌo san,

vi nuu ndaꞌa ñayiu tu ka kaꞌan ndaa.

3 Te maa ni ñayiu kaꞌan tnoꞌo tnoꞌo, ¿nagua niꞌi ka ni,

axi nagua vi taa nuu ni ja kaꞌan tnoꞌo ni?

4 Ja niꞌi ni kuu yutnu ndugua tee jaxin tnaꞌa,

vi ñuꞌu tikayi tnu itni ja kai koko koko.

5 Su ndaꞌu ni ka san ja jika ndaꞌu san neꞌu nuu ka oo ñayiu ñuu Mesec,

vi oo san neꞌu nuu ka ndaa veꞌe saꞌun ñayiu Cedar.

6 Te ja kuu kuaꞌa tiempu oo san neꞌu ñayiu,

ka skexiko ja vi koo mani.

7 Sein chi kaꞌan san ja koo mani san,

su nuu kaꞌan san ja vi koo mani san jin ñayiu yun,

te ka kaꞌin ja vi kaxin tnaꞌi jin san.