1 Ni kusii ini san jin ñayiu nuu ni ka kachi:

“Na noꞌokueio veꞌe maa Jitoꞌo Dios”.

2 Jerusalén, ja ni ndiukuei rin ndee yeꞌe ron.

3 Te Jerusalén, kuu ron in ñuu ja ni kuvaꞌa guaꞌa,

na kuinio in ñuu ja inuu tutu ka oo ñayiu.

4 Te nuu maa ron ndakuei ñayiu ka kuu tatatnoꞌo maa Jitoꞌo Dios,

nagua ja vi chiñuꞌu ñai jin ya,

nagua ni tatnuni ya nuu ñayiu Israel.

5 Chi nuu maa ron oo veꞌe tniuu nuu ka sandaa kuechi,

vi nuu ka tatnuni ndikin tata rey David.

6 Vi ndakuatu ni nuu ia Dios ja na koo jamani Jerusalén, te vi kachi ni:

“Na vi koo vii vi koo vaꞌa ñayiu ka kutoo ña jin maa ron, vi Jerusalén.

7 Te na koo jamani ini muro ron,

te na vi koo vii vi koo vaꞌa ñayiu ini veꞌe tniuu ron.”

8 Te suni ja jaꞌa ñani rin vi ñayiu ka ndeka tnaꞌa guaꞌa jin rin,

kaꞌan rin jin ron, vi Jerusalén: “Ja na koo jamani nuu ron”.

9 Te ja jaꞌa veꞌe Jitoꞌo Dios mao,

nduku rin ja koo vii koo vaꞌa ron.