61
Ala, n xa lu i fɛma
1 Dawudaa bɛtina, bɛti baane kuntigin xa. A xa ba kondenne ra.
2 Ala n ma mawuga xuiin mɛ.
I tuli mati n ma maxandi xuiin na.
3 N yigitɛgɛxin bata n xui ramini i ma wulani.
N xali na geyaan fari
naxan mate n xa.
4 Amasɔtɔ i tan nan n yigiyaden na,
e nun yinna
naxan n natangama n yaxune ma.
5 N waxi lu feni i konni waxatin birin yi.
N xa luxunden sɔtɔ i gabutɛne bun ma.
Bɛti xuini te.
6 Ala, i bata n dɛ ti xuine mɛ.
I bata na kɛɛn so n yii
i naxan namaraxi i ya yɛɛragaxu muxune xa.
7 Ala xa mangan siin xun masa,
a xa bu han!
8 Ala xa mangan sabati a yɛtagi habadan!
A ratanga i ya hinanna nun i ya lannayaan nin.
9 Nanara, n tantun bɛtin bɛ i xinli waxatin birin,
n yi n dɛ ti xuine rakamali lɔxɔ yo lɔxɔ.