1 Issakar e aningeg e pagel ni fak: Tola, Puah, Jashub, nge Shimron.

2 Tola e nel’ e pagel ni fak: Uzzi, Refayah, Jeriel, Jahmai, Ibsam, nge Shemuel. Yad lolgen e pi tabnaw ko fare ke girdi’ rok Tola ma yad bogi salthaw ni yad ba gilbugwan. Nap’an ni David e pilung ma ke gaman e 22,600 e pi’in owcherad.

3 Ta’reb e pumo’on ni fak Uzzi ni Izrahiah. Me Izrahiah e aningeg e pagel ni fak: Maikal, Obadiah, Joel, nge Isshiah. Yad gubin ni yad lolgen e pi tabnaw. 4 Ba yo’or e ppin rorad nge pifakrad, ni pi’in owcharad e ni feng 36,000 e pumo’on ni salthaw u fithik’rad.

5 Babyoren e pi tabnaw ko ganong rok Issakar e ni yoloy ngay 87,000 e pumo’on nrayag ni nge un ko salthaw.

6 Dalip e pumo’on ni fak Benjamin: Bela, Beker, nge Jediael.

7 Bela e lal e pumo’on ni fak: Ezbon, Uzzi, Uzziel, Jerimoth, nge Iri. Yad lolgen e pi tabnaw u lan fare ke girdi’ ma go’ yad bogi salthaw nib gilbugwanrad. Pi’in owcherad e ba mu’un ngay 22,034 e pumo’on nrayag ni ngruned ko mael.

8 Beker e mereb e pagel ni fak: Zemirah, Joash, Eliezer, Elioenai, Omri, Jeremoth, Abijah, Anathoth, nge Alemeth. 9 Rogon ni be m’ug u babyoren e pi tabnaw e pi’in owcherad e 20,200 e pumo’on ni kan yoloy nga babyor nrayag ni nge un ko mael.

10 Ta’reb e pagel ni fak Jediael ni Bilhan. Me Bilhan e medlip e pagal ni fak: Jeush, Benjamin, Ehud, Kenaanah, Zethan, Tarshish, nge Ahishahar. 11 Yad lolgen e pi tabnaw nu lan fare ke girdi’, ma yad gubin ni yad bogi salthaw nib gilbugwanrad. Pi’in owcherad e ba mu’un ngay 17,200 e pumo’on nrayag ni ngar uned ko mael. 12 I Shuppim nge Huppim e ku yow ba mu’un ko re ganong ney.

I Dan e ta’reb e pagel ni fak ni Hushim.

13 Naftali e aningeg e pagel ni fak: Jahziel, Guni, Jezer, nge Shallum. (Yad e pi’in owchen Bilhah.)

14 Reb e bpin rok Manasseh ni be’ ni bpin nu Aram e diyennag l’agruw e pagel rok Manasseh, ni aram Asriel nge Makir. I Makir e chitamngin Gilead. 15 Me pir’eg Makir l’agruw e ppin ni ngar le’engiyew Huppim nge Shuppim. Ma Maakah e walagen Makir ni bpin. Ma bin l’agruw e pagel ni fak Makir e Zelofehad, ni go’ ppin pifak.

16 Me Maakah ni le’engin Makir e diyennag l’agruw i pagel, min tunguy fithingrow ni Peresh nge Sheresh. Peresh e l’agruw e pagel ni fak ni Ulam nge Rakem, 17 ma Ulam e bay be’ ni pagel ni fak ni fithingan e Bedan. Irera’ e pi’in owchen Gilead, nib mo’on ni fak Makir ma Manasseh e tutuw rok.

18 I Hammoleketh ni be’ ni bpin ni walagen Gilead e dalip e pagel ni fak: Ishod, Abiezer, nge Mahlah. 19 Aningeg e pagel ni fak Shemida: Ahian, Shekem, Likhi, nge Aniam.

20 Ba’aray e pi’in owchen Efraim u reb e mfen ngu reb: Shuthelah, Bered, Tahath, Eleadah, Tahath, 21 Zabad, Shuthelah. Efraim e bay be’ ni pagel ni fak ni Shuthelah miki fakay l’agruw e pagel: Ezer nge Elead, gali cha’ ney e ni li’ row ngarm’ow nnap’an ni yow be guy rogon ni ngar iringew fa ran’ i gamanman rok e pi’in ri girdi’en yu Gath. 22 Chitamangirow i Efraim e mowaw nagrow ni bo’or e rran, me yib e pi pumo’on ni girdi’en ni ngar fal’eged laniyan’. 23 Ma aram’ ma ku ra pirew le’engin bayay, me diyen le’engin miki fakay reb e pagel. Miyow tunguy fithingan ni Beriah,*BERIAH: Re ngachal ney ni Hebrew e bod lingan fare bugithin ni “fithik’ e oloboch.” ni bochan e oloboch nike yib ngalan e tabnaw rorad.

24 Efraim e bay reb e bpin ni fak ni Sheerah fithingan. Ni ir e sunmiy yochi binaw nga Talang ngu Pe’ening u Beth Horon, ngu Uzzen-Sheerah.

25 Efraim e kabay reb e pagel ni fak ni Refah fithingan, ni ba’aray e pi’in owchen: Reshef, Telah, Tahan, 26 Ladan, Ammihud, Elishama, 27 Nun, Joshua.

28 Fare gi binaw nra feked ngar pired riy e ba mu’un yu Bethel ngay nge yuchi binaw nib liyeg, me yan riy ko ngek nge mada’ nga Naaran me yan ko ngal nge mada’ nga Gezer nge yochi binaw nib liyeg. Ni kub mu’un ngay fa gali binaw nu Shekem ngu Ayyah, nge yochi binaw nib liyeg e gal binaw nem.

29 Pi’in owchen Manasseh e yad e ur gagiyeg niged e pi binaw nu Beth Shean, Taanak, Megiddo, ngu Dor, nge yochi binaw nib liyeg e pi binaw nem.

Gubin e yungi n’ey e i par e pi’in owchen Josef ni fak Jakob riy.

30 Ba’aray e pi’in owchen Asher. Aningeg e pagel ni fak: Imnah, Ishvah, Ishvi, nge Beriah; nge ta’reb e bpin ni Serah fithingan.

31 Beriah e l’agruw e pagel ni fak: Heber nge Malkiel. (Malkiel e sunmiy fare binaw nu Birzaith.)

32 Heber e dalip e pagel ni fak: Jaflet, Shomer, nge Hotham; nge ta’reb e bpin ni Shua.

33 Jaflet e dalip e pagel ni fak: Pasak, Bimhal, nge Ashvath.

34 Me Shomer nib mo’on ni walagen e dalip e pagel ni fak: Rohgah, Jehubbah, nge Aram.

35 I Hotham nib mo’on ni walagen e aningeg e pagel ni fak: Zofah, Imna, Shelesh, nge Amal.

36 Pi’in owchen Zofah e Suah, Harnefer, Shual, Beri, Imrah, 37 Bezer, Hod, Shamma, Shilshah, Ithran, nge Beera.

38 Pi’in owchen Jether e Jefunneh, Pispa, nge Ara, 39 ma pi’in owchen Ulla e Arah, Hanniel, Rizia.

40 Urngin e pi cha’ ney ni yad e pi’in owchen Asher. Yad lolgen e pi tabnaw, ma yi go’ yimnangrad ni yad bogi falu’ ko mael, ma bogni’ ni bfel’ rogon ni yad ma gagiyeg. Pi’in owchen Asher e ba mu’un ngay 26,000 e pumo’on nrayag ni ngruned ko mael.