14
Ba ngongol ni dab ni rin’ ko mowaw
“Gimed e girdi’ rok SOMOL ni ir e Got romed. Ngiyal’ ni gimed ra mowawnag ba yam’, ma dab ku mu raseyed dowmed fa mu puyed piyan lolugmed u m’on, ni bod nma rin’ boch e girdi’. Lev 19:28; 21:5 Ya ba milfamed ngak SOMOL ni Got romed; ke mel’egmed u fithik’ gubin e girdi’ nu fayleng ni ngam manged girdi’ rok. Exo 19:5, 6; Deu 4:20; 7:6; 26:18; Tit 2:14; 1 Pe 2:9
Tin be’ech nge tin ba ta’ay e gamanman
(Levitikus 11:1–47)
“Dab mu ked ban’en nike duwgiliy SOMOL nib ta’ay. Ba’aray e pi gamanman nrayag ni mu ked garbaw, saf, kaming, deer, saf ni malboch, kaming ni malboch, nge antelope demturug e mit i gamanman ma gimed ra kay ni fa’anra ba’ thilin buguli ay mma kunuy e pan ngalan k’angan nga fin i yengyeng. Machane fa’anra dariy thilin buguli ay ba gamanman ma ku dar ma kunuy e pan ngalan k’angan nga fin i yengyeng, ma dab ni kay. Dab mu ked e gamanman ni kamel, nge usangi, nge badger. Thingar mu ted nib alit; ya yad ma kunuy e pan ngalan k’angrad nga fin ur yengyenged, machane dariy thilin buguli ayrad. Ma babiy e ba’ thilin buguli ay machane dar ma kunuy e pan nga k’angan nga fin i yengyeng, ere mu ted nib alit. Dariy bmit ko pi gamanman ney ni gimed ra kay e ufin riy fa mathgad nga reb nike yim’.
“Demturug e mit i nig ni bay thalon nge olyen ma gimed ra kay, 10 machane demturug e mit i n’en nma par u mran ndariy thalon ara olyen ma dab mu ked; thingar mu ted nib ta’ay.
11 “Demturug e mit i arche’ nib be’ech ma gimed ra kay. 12-18 Machane ba’aray e yu mit i arche’ ndab mu ked manuw, owl, hawk, falcon; buzzard, vulture, gapluw; ostrich; gap’luwanregur, stork, heron, pelican, cormorant; hoopoe; nge magl’aw.
19 “Gubin mit e chachangeg ni bay pon ma ba alit e dab mu ked. 20 Demturug e mit i chachangeg nib be’ech ma gimed ra kay.
21 “Demturug e mit i gamanman ni yigi yim’ rok ma dab mu ked. Rayag ni ngam pi’ed nge kay e girdi’ nu boch e nam ni yad be par u fithik’med, fa mu pi’ed nchuway’ ngak be’ nu reb e nam. Machane gimed e bmilfamed ngak SOMOL ni Got romed; gimed e girdi’ rok. Ma dab mu lithed ba fak e saf fa ba fak e kaming u fithik’ i logowen e thuth rok e chitinngin. Exo 23:19; 34:26
Motochiyel ni Murung’agen e Yu Ragag e Pasent
22 “Mu faeled nga bang ragag e pasent ko urngin i wom’ngin e woldug u milay’ romed u reb e duw. Lev 27:30–33; Num 18:21 23 Mi gimed yan ko gin ke turguy SOMOL ni Got romed ni nguum liyorgad riy ngak; mu rom u p’eowchen e ngam ked fapi yu ragag e pasent ko grain, nge wayin, nge gapgep ni olive, nge tin nganni’ u pifak e garbaw nge saf romed. Ngu’um rin’ed ni aray rogon, ya nge mechem ngomed ngi i par madgun SOMOL ni Got romed u wun’med ni gubin ngiyal’. 24 Fa’anra ta’gin’en tagil’ e liyor e kaygi palog ko tabnaw romed ni dabiyag ni ngam feked i yan ngaram fa ragag e pasent ko tin ke fal’eg SOMOL wa’athamed riy, ma aram e ba’aray e n’en ni ngam rin’ed: 25 Mu pi’ed nchuway’ fa pin’en mi gimed fek e salpiy riy i yan ko ta’gin’en ni tagil’ e liyor. 26 Mi gimed chuw’iy demturug ban’en ni gimed ba’adag ko fare salpiy — ufin e garbaw, ara ufin e saf, ara wayin, ara tin yira chingaw ngay, mu rom u p’eowchen SOMOL ni Got romed e gimed nge chon e tabnaw romed e ngam abichgad mi gimed felfelan’ u ta’bang.
27 “Ma dab mu feked owchemed rok e pi Levite ni yad be par u lan e pi binaw romed; ya dariy bang ntaferad. 28 Tomuren yu da dalip e duw mi gimed fek fapi ragag e pasent ko urngin e pi woldug romed ngam cha’ariyed u lan e pi binaw romed. 29 Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.

14:1 Lev 19:28; 21:5

14:2 Exo 19:5, 6; Deu 4:20; 7:6; 26:18; Tit 2:14; 1 Pe 2:9

14:21 Exo 23:19; 34:26

14:22 Lev 27:30–33; Num 18:21