4
Tomuren e waer ni tay yu Jerusalem
1 Gol rodad ni immoy nib galgael e ke yim’ ram’en;
fapi malang ko fare Tempel e ke wagagey u lan e yupa’ i kanawo’.
2 Pi fel’yangren nu Zion e ba t’uf rodad ni bod e gol,
machane chiney e ngongol ni yibe rin’ ngorad e kar boded e th’ib ni but’.
3 Mus ko chitiningin e wolf ma matathuth nag pifak.
machane girdi’ rog e kar boded e arche’ ni ostrich, ni yad ba kan ngak pifakrad.
4 Yad ma digey pifakrad ni kab madway nge math e pogofan rorad ko blig nge balel;
pi’in bitir e yad be yor nag e ggan ma dariy be’ nra pi’ ngorad.
5 Girdi’ ni i kay e ggan ni th’abi fel’ e be yim’ nriyul’ ko mak’iy u lan yu pa’ i kanawo;
ma pi’in un chuguliyrad u fithik’ e fel’ rogon e yad be wurgiy tafen e dow, niyad be gay e n’en ni ngar ked.
6 Gechig nta’ ko girdi’ rog e ba almarin ko pi’in girdi’en yu Sodom,
ni fare binaw ni gad Got pa’ ngay nge pil nib tomgin.
7 Pi tayugang’ romad e yad ba machalbog ko ayis
ma yad ba wech ko milik; downgirad e ba famsow nib t’obt’ob nib gal ra’en.
8 Machane chiney e yad ba thig u lan e yupa’ i kanawo’ ni dab kun poyrad, ke lumoren e yam’ owcharad;
bayach u dowrad e ke mlik’ ni gowa l’ud, nike bachbach ko yil rorad.
9 Pi’in karm’ad u tan e mael e kabfel’ boch ko pi’in fin ram’ad,
nib sasag’al ni li’rad e bilig, ya dariy e ggan ni aywegrad ngar pired ni yad bfos.
10 Riya’ ni yib ko girdi’ rog e girengiy e marus ni almirin i yib;
pi matin nib t’uf pifakrad rorad e ra lithed pifakrad ngar longyed.
11 SOMOL e pu’og e damumuw rok nike mokun ketun gelngin;
me yip’ e nifiy ngalan yu Zion ke urfiy nga but’.
12 Dariy be’ u bang, ni mus ngak e pi’in tagagiyeg ko pi nam nu bang,
ni tun ngan’ nrayag ni thum’ reb e to’ogor ngalan e garog nu Jerusalem.
13 Machane me buch ni aram rogon, ni bochan e i denen e pi profet nge pi prist
ni aram tapgin e yam’ ngak bokun e girdi’ ni dariy ban’en nra bucheged.
14 Pi tayugang’ e u ra deraw gad u lan e yupa’ i kanawo’ ni gowa kar ma’ew gad,
ni kar thiy gad ko racha’ ni dakriy be’ nra ga’ran’ ni nge math ngorad.
15 Me tolul e girdi’ nra ga’ar gad, “Mmuchuwgad riy! Gimed ba ta’ay! Dab mmath gad ngomad!”
Ma aram miyad milethay u reb e nam nga reb, ni dariy be’ ni m’agan’ ngorad.
16 I SOMOL e dakrir uned u lanyan’; ir e ke werweregrad.
Ke m’ayfan e pi prist nge pi tayugang’ rorad u wan’.
17 Gu changar gu changar niged e ayuw nge daki tael e changar romad made taw e ayuw.
Kug pired ni gamad be son nag e ayuw u ba nam ni dariy rok ni nge pi’.
18 Gamad e mus ko yan u kanawo’ ma dabkiyag; ya to’ogor romad e yad be changar nagmad.
Tiromad e rran e ke thumur; ke taw nga tol’mad.
19 Ra tulfed gamad nib pay ni bod e arche’ ni eagle nike ngalol u lang nga but’.
U ra gayed gamad u fithik’ e yochi burey; mug gin gad ma kan kolmad u daken e ted.
20 Ra koled p’ebugul e yafos romad, fare pilung ni SOMOL e duwgiliy,
ni aram e cha’ ni pagan’ romad ni ra lagmad u pa’ gubin e to’ogor.
21 Um minmin gad, gimed e girdi’ nu Edom ngu Uz; ma gimed be felfelan’ e chingiyal’ n’ey ni ku rayag.
Ya ku be yib e biromed e riya’; gimed mabay kum thigthiggad ni dariy e mad u dakenmed ni kam tamra’gad.
22 Zion e ke pi’ puluwon e denen rok; i SOMOL e dabki ta’mad ni kalbus u milekag nib n’uw nap’an.
Machane gur Edom, e bayi gechig nigem SOMOL; nge pug ngalang ngonglem ni kireb.
DRAFT VERSION — Proofreading in progress