32
Puwofay nge n’ag fan e denen
1 Ba felan’ e cha’ nike n’ag Got fan e denen rok,
ni kireb rok e ke thang Got.32:1,2 Rom 4:7–8
2 Ba felan’ e en ndakir yog SOMOL ngak ni be rin’ e kireb;
ma kar waergow urngin mit e sabanban.
3 Ngiyal’ ni ndawor gu weliy e denen rog ngak SOMOL
e m’ay gelngig ni bochan e meyor ni ug tay ni kadbul nge nep’.
4 Ya mu gechig nigeg ni rran nge nep’, I gur SOMOL;
mu gu par ni kari m’ay gelngig,
ni bod e wa’angachal ni mlik’nag e yal’ u ngal’an e gowel.
5 Ma aram mu gu weliy e denen rog ngom;
da gu mithag rom e tin kireb ni ku gu rin’.
Gu turguy u wun’ug ni nggu weliy e pi denen rog ngom,
ma ga n’ag fan urngin e kireb rog.
6 Ere urngin e girdi’ rom nib yul’yul’ ngom e thi’ngar ra meybilgad ngom ko ngiyal’ ni kari t’uf e ayuw rorad;
ra yib e gafgow ni bod e ran nga daken e binaw nib machreg,
ma dabi taw ngorad.
7 I gur e gu ma mith nga fom;
bay mu chuwegneg u fithik’ e oloboch.
Gu be tangnag ni ba ga’ lamag rogon ni ga ma ayuwegney,
ni bochan e gur e ka mu yororiyeg.
8 Be ga’ar SOMOL, “Bay gu fil ngom e kanawo’ ni ir e ngam man riy;
bay gog ngom e tin ngam rin’ ma bay gu fonow nigem.
9 Dab mu boded ba os ara ba gamanman ni mule nib minan’,
nochiyang i wasey ni bay gafan e thingar ni tay ngalan l’ugun ni ir e nge fol riy.”
10 Pi’in kireb e ri yad ra gafgow,
ma pi’in nib pagan’rad ngak SOMOL
e be yororiyrad ko t’ufeg rok ni dabimus.
11 Gimed e pi’in gimed mmat’aw, e nge felan’med mi gimed uf
ni bochan e n’en ke rin’ SOMOL!
Gimed e pi’in gimed be fol rok, e ngam tolul niged e felfelan’!
DRAFT VERSION — Proofreading in progress