34
Got nni pining e sorok ngak nga feni fel’*TITLE KO THIN NI HEBREW: I dake aliliynag David ir u p’eowchen Abimelek, me pag Abimelek David nge yan; ma fa’ani yan David ma aram mfini yoloy David e re Psalm ney.Title 1 Sa 21:13–15
1 Gubin ngiyal’ ni bay ug pining e magaer ngak SOMOL;
ma bay ug pining e sorok ngak ndab gu tal.
2 Bay ug pining e sorok ngak ko tin ke rin’;
mang e yigi gubin e pi’in yibe gafgow nagrad e ngar motoyilgad me felan’rad!
3 Mu uned ngog ngad weliyed ngak e girdi’ feni sorok SOMOL;
marod ngad pininged e sorok nga fithingan!
4 Gu meybil ngak SOMOL me fulweg taban e meybil rog;
i chuweg urngin e marus rog.
5 Pi’in yibe gafgow nagrad e yad ra changar ngak miyad felan’;
ya ri dabi m’ingan’rad.
6 Pi’in ndabiyag ni ngar ayuweged yad e yad ra non ngak, me fulweg lungrad;
me chuwegrad u fithik’ urngin e gafgow nike yib ngorad.
7 Engel rok e ma matanagiy e pi’in bay madgun SOMOL u wun’rad,
me chuwegrad ko riya’.
8 Mu gay ngam pir’eg feni manigil SOMOL.
Ba felan’ e cha’ ni be naf nga tan pa’!1 Pe 2:3
9 Gimed urngin e girdi’ rok SOMOL, e ngam pired ni bay madgun u wun’med;
ya pi’in bay madgun u wun’rad e bay rorad urngin e tin nge yag ngorad.
10 Mus ngak e pi layon ni m’ay garad nge yib e bilig ngorad,
ma pi’in yad be fol rok SOMOL e gubin ban’en ni bfel’ ma bay rorad.
11 Mired, pifakag, ngam telmed ngog,
nggu fil ngomed ni ngu’um pired ni bay madgun SOMOL u wun’med.
12 Mogned, gimed ba’adag ni ngam felfelan’gad ko biney e tamilang?
Gimed ba’adag ni nge n’uw nap’an ni gimed bfelfelan’?34:12–16 1 Pe 3:10–12
13 Fa’anra gimed ba’adag me ere dab ku mogned e thin nib kireb,
ma dab ku mu lifithed l’ugunmed.
14 Mpi’ed keru’med ko kireb ngam rin’ed e tin ni bfel’;
mu nameged e gapas u polo’ i gum’ircha’med.
15 I SOMOL e ma yaliy e pi’in yad bmat’aw,
mma rung’ag e meyor rorad;
16 machane ma togopluw ngak e pi’in yad be rin’ e kireb,
ma nap’an ni yad ra yim’, mi ni pag talinrad.
17 Ra non e pi’in nib mat’aw ngak SOMOL me motoyil;
me lagrad u fithik’ urngin e oloboch rorad.
18 I SOMOL e ba chugur ngak e pi’in ke mulan’rad;
mma ayuweg e pi’in dakriy ban’en ni be lagan’rad ngay.
19 En nib mat’aw e bo’or e gafgow nma yib ngak,
machane SOMOL e ma chuweg u fithik’ ni gubin.
20 I SOMOL e ma dunobiy,
ni dariy ta’reb e yil rok nra m’ing.
21 Kireb e ir e ra thang e fan rok e pi’in kireb e leam rorad;
pi’in yad be fanenikay e pi’in nib mat’aw e bay ni gechig nagrad.
22 I SOMOL e ra ayuweg e pogofan rok e pi tapigpig rok;
ma dabi gechignag e pi’in yad ra yan ngak ni ngar nafgad nga tan pa’.
*^ TITLE KO THIN NI HEBREW: I dake aliliynag David ir u p’eowchen Abimelek, me pag Abimelek David nge yan; ma fa’ani yan David ma aram mfini yoloy David e re Psalm ney.
^ Title 1 Sa 21:13–15
34:12 34:12–16 1 Pe 3:10–12
DRAFT VERSION — Proofreading in progress