56
Ba meybil ko pagan’ ngak Got*TITLE NI HEBREW: Ba thin rok David, u tomuren ni kol e pi Filistine David u Gath.1 Sa 21:13–15
1 A Got, nge wurengan’um ngog, ya ke yib e cham ngog;
pi to’ogor rog e yad be gafgow nigeg ni gubin ngiyal’.
2 Pi togopluw rog e yad be cham ngog nni n’umngin e rran.
Ri yad bo’or ni yad be cham ngog.
3 A SOMOL ni Gubin ma Rayag Rok, nap’an nra yib e marus ngog,
me gur e pagan’ rog.
4 Be pagan’ug ngak Got ma da gur tamdag;
gu be pining e sorok ngak ko n’en ke micheg.
Ere mang e rayag ni nge rin’ ba girdi’ ngog?
5 Pi to’ogor rog e yad be k’ar oloboch ngog ni polo’ e rran;
yigu yad be leamnag kanawo’en ni ngar gafgow nigedgag!
6 Yad be cheag ngu’ur pachgad,
ngu’ur damit niged urngin e tin gu be rin’,
ni yad be nameg ni ngar thanged e pogofan rog.
7 A Got, mu gechig nagrad ko kireb rorad;
mu waernag e picha’nem u fithik’ e damumuw rom!
8 Gamnang feni gel e gafgow ni gu be tay;
ka mu yoloy gubin gaf i lu’ag nike map’.
Dariy u babyor rom ni ka mu yoloy?
9 Rofen ni gu ra piningem,
e ra cheal e pi to’ogor rog ngar sulod.
Ya gu manang ni arrogon: Got e bay u ba’rog
10 ni fare SOMOL ni gu ma pining e sorok ko pin’en ni micheg.
11 Dab gu rus ya ir e ba pagan’ug ngak.
Mang e rayag ni nge rin’ ba girdi’ ngog?
12 A Got, bay gu pi’ ngom e n’en ni kug micheg;
bay gu pi’ ngom e maligach rog ni ogmagaer,
13 ya kam chuwegeg u pa’ e yam’,
kam teg nda gu waer.
Ma aram fan ni gu be yan u p’eowchen Got,
u ram’en fare tamilang ko yafos.
DRAFT VERSION — Proofreading in progress