70
Meybil ko ayuw
(Psalm 40:13–17)
1 A Got, mu ayuwegneg!
SOMOL, mu aywegeg e chiney!
2 Mang e yigi waer me wagagay lanyan’
e pi’in yad be guy rogon ni ngar thanged e fan rog!
Mang e yigi sul nge may’fan
e pi’in ni ka ra felan’gad ni bochan e pi oloboch rog.
3 Mang e yigi gin e pi’in yad be gosgos ngog
ma ka ra waergad!
4 Mang e yigi felan’ me uf
e pi’in yad be yib ngom,
ngar pired nri yad ba felfelan’!
Mang e yigi fel’ u wan’ gubin e girdi’ ni ka mu mat’aw nagrad ngom
nge gubin ngiyal’ ni nge lungurad, “Ngu’un mathangeluwolnag Got!”
5 Gub me’waer ma gub gafgow;
A Got, mu gur nigem ngog!
Gur e ta’ayuw rog ma SOMOL rog
mu gur nagem ngam aywegneg!
DRAFT VERSION — Proofreading in progress