82
Got e Ir e tagagiyeg nth’abi tolang
1 Got ni par nga tagil’ u lan e mu’ulung ko girdi’en e tharmiy;
me yog e n’en ke duwgiliy u langgin fare mu’ulung ko pi got*PI GOT: Ren’ey e rayag ni be yip’ fan e pi got ko pi nam ni gel Got ngorad, machane ku rayag ni be yip’ fan e pi tapigpig rok Got (engel) u tharmiy ara girdi’ ni i gagiyeg. ni ga’ar:
2 “Thingar mu talgad i turguy e tin de yol’uw;
ma thingar dab manged ko pi’in kireb!
3 Mu n’ufeged mat’wun e pi’in gafgow nge pi’in kanim’ rorad;
mu golgad ko pi’in bt’uf e ayuw rorad nge pi’in dariy gelingrad.
4 Mu lufed e pi’in dariy gelingrad nge pi’in bt’uf e ayuw rorad
u pa’ e pi’in kireb e leam rorad.
5 “Ri dariy ban’en ni gimed manang ma ku dariy ban’en ni gimed manangfan.
Kam polo’ i kirebgad,
ma ke math mit e mat’aw u fayleng.
6 Gu be ga’ar, ‘Gimed e pi got,
ni gimed gubin ni pifak e en Th’abi Tolang.’
7 Machane gimed ra yim’ ni bod e girdi’;
yafos romed e bayi mus ni bod gubin e pumo’on ni pifak e en pilung.”
8 A Got, moy ngam gagiyegnag e fayleng;
gubin e nam ma gur e suwom.
*82:1 PI GOT: Ren’ey e rayag ni be yip’ fan e pi got ko pi nam ni gel Got ngorad, machane ku rayag ni be yip’ fan e pi tapigpig rok Got (engel) u tharmiy ara girdi’ ni i gagiyeg.
DRAFT VERSION — Proofreading in progress