95
Ba tangin e sorok
1 Mired, ngad pininged e sorok ngak SOMOL!
Ngad tang niged Got u fithik’ e felfelan’, ya ir e be yororiydad!
2 Ngadbad nga p’eowchen ngad pininged e magaer ngak,
ma gadad tangnag u fithik’ e felfelan’ ni gadad be pining e sorok ngak!
3 Ya SOMOL e ba Got ni gubin ma rayag rok,
ir ba pilung nib gel ngak urngin e pi got.
4 Ir e be gagiyegnag e fayleng ni polo’,
ni mus ngalan e tin th’abi toar e yiy nge mada’ ko tin th’abi tolang e burey.
5 Ir e be gagiyegnag lan e day, ni ir e sunumeg;
ma ku er rogon e but’ ni ir e ngongliy.
6 Mired, ngad siro’gad ngak ngad ted fan;
marod ngad ragbuggad u p’eowchen SOMOL, ni ir e sunumegdad!
7 I ir e Got rodad;
ma gadad fapi girdi’ ni be ayuweg,
ni fare ran’ i saf ni ir e be gafaliy.
Mu telmed e daba’ ko thin ni be yog ni be ga’ar:95:7–11 Heb 3:7–11; 4:3–11
8 “Dab mu gel niged lanin’med, ni bod ni rin’ pi chitamangimed u Meribah,
ni bod e n’en nrin’ed fa rofen nem u daken e ted u Massah.
9 U rom e ra sikeng niged e gumaen’ rog riy nge fanag k’adan’,
ni yugu aram rogon ni kar guyed e tin gu rin’ ni fan ngorad.
10 Aningeg i ragag e duw nri gu dabuy e ngongol rok e pi girdi’ nem;
i lungug, ‘Ri darir yul’yul’gad!
Ya ra siyegged ni ngar rin’ed e tin ni kugog ngorad ni ngar rin’ed.’
11 Gu damumuw ngar gu micheg ngorad ni lungug,
“Ri dab mmarod ngalan fare nam ni ir e gu ra pi’ e toffan ngomed riy.”
DRAFT VERSION — Proofreading in progress