121
I SOMOL e Ir e yoror rodad
Kugu sap ngalang ko fapi burey; uw e nge yib e ayuw riy ngog?
SOMOL e ma yib e ayuw rok ngog,
ni Ir e sunumiy e tharmiy nge but’.
 
Ir e dabi pagem ngam mul;
en ni yoror rom e ke par ni be od!
 
En ni yoror rok piyu Israel
e der ma yib e chuchuw ngak ma der mol!
I SOMOL e bay i matanagiyem;
bay u to’obem ni nge ayuwegnem
Yal’ e dabi amith nigem ni rran, ma ku er i tay e pul nnep’.
 
I SOMOL e ra yororiyem rok urngin e riya’;
me tem ndabi buch ban’en rom.
Bay u mub ngu’um man ni be yoror rom
e chiney i yan nga m’on ndariy n’umngin nap’an.