123
Ba meybil ni fan ko runguy
SOMOL, gu be changar ngom ngalang,
nga tharmiy ko gin ga be gagiyeg riy.
Bod ba tapigpig nma toer ngak e masta rok,
bod ba yarif nma toer ngak e re bpin nma pigpig ngak,
ere aram rogon ni kayiggu changargad ngom, i gur SOMOL ni Got romad,
nge taw ko ngiyal’ nike wurengan’um ngomad.
 
Mu runguymad, SOMOL, mu runguymad;
ya kan changar ngomad nga but’.
Kay gi n’uw nap’an nike moning nagmad e pi’in bo’or ban’en rorad
nge pi’in yad be changar ngomad nga but’ ni bogi kireb nib tolangan’rad.