128
Puluwon niyi ma fol rok SOMOL
Ba felan’ e pi’in yad ma fol rok SOMOL,
ni yad ma par nrogon nike yog.
Maruwel rom e ra yagnag e tin bt’uf rom;
bay mu felfelan’ me fel’ rogom.
Le’engim e bayi bod ba ke grape nike suguy e mak’uf l’ugun u lane tabnaw rom
ma pifakam e bay ra boded e gek’iy ni olive nike liyeg e tebel rom.
Be’ nib mo’on nma folwok rok SOMOL
e rib muduwgil nra fel’ wa’athan ni aray rogon.
 
Mang e yigi fal’eg SOMOL wa’atham u Zion!
Mang e yugum guy ni be man’og yu Jerusalem
ni gubin e rran u lane yafos rom!
Mang e yugum par ngam guy pifak pifakam!
 
Nge par e gapas u daken yu Israel!