1 Yesu wukutikisa kumi mimvuala miodi ayi wuba vana lulendo ayi luyalu lu totudila ziphevi zioso zimbimbi ayi lubelusila bambevo. 2 Bosi wuba tuma benda yamikisa luyalu lu Nzambi ayi wuba tuma babelusa bambevo. 3 Wuba vana zithumunu ziazi :

—Kadi nata kadi kiasa mu nzila : kadi nata nkawa, kadi tsaku, kadi khuta, kadi zimbongo. Kadi mutu kanata kikhutu kiviakisa. 4 Yoso nzo luela kota buna luvuanda muna nate luela botuka va divula beni. 5 Enati bamengi kulutambula buna mu thangu luela totuka mu divula beni, buna luba kukumuna mbungi-mbungi yi malu meno muingi kiba kimbangi kuidi bawu.

6 Buna miyenda. Midiengila mu mala moso. Milonga nsamu Wumbote ayi mibelusa bambevo mu bibuangu bioso.

7 Nyadi*Nyadi : voti nguvelinele Elode wawu zitsangu zi mambu mamo mavioka, wukiyamisangolo. Bila bankaka batuba : “Yowani niandi wufulukidi mu bafua !” 8 Vayi bankaka : “Eli niandi wumonikini.” Vayi bankaka “Niandi widi mbikudi wumosi mu mimbikudi mikhulu, niandi fulukidi.”

9 Vayi Elode wuba tuba :

—Keti minu veka ndizengisa Yowani ntu ! Vayi buna nani mutuwowo, ndilembu wilanga mambu momo ?

Buna wutomba nzila mu kummona.

10 Mimvuala mivutuka ayi mivumbudila Yesu kipholo ki mamo mivanga ; wuba nata va lutengo ku ndambu divula dibeti tedila Betisayida. 11 Vayi nkangu wu batu bu bazaba nsamu beni, buna banlandakana. Yesu wuba yakula, wuba yolukila nsamu wu kipfumu ki Nzambi ayi wu belusa batu baba tsatu yi belusu.

12 Buisi buna bueka yila, kumi mimvuala miodi va kaba ayi minkamba :

—Vutula nkangu wu batu muingi benda mu mala ayi mu zitsola zifikimini mu diambu babaka bidia ayi minleku bila va buangu kikambulu batu tuidi.

13 Vayi Yesu wuba kamba :

—Luba vananu beno veka bidia. Vayi bawu bavutula :

—Mampa matanu kaka madi yeto ayi zimbizi zizole zi nlangu. Mananga tidi beto veka tuenda sumbi bidia mu diambu di batu boso baba e ?

14 Bila nduka-nduka mili tanu yi babakala†Bayuda baba kifu kitanganga kaka babakala, baba tanganga ko baketoayi bana balezi. Tala Matayi 14.21 ; Malako 6.44. yiba vana.

Yesu wukamba minlonguki miandi :

—Luba vuandisa mu makabu ma makumatanu ma batu. 15 Buawu mivanga ayi mivuandisa batu boso. 16 Buna Yesu wubonga mampa beni matanu ayi zimbizi beni zizole zi nlangu. Wumvumbula meso ku Yilu, wusakumuna mawu bosi wubukuna mawuayi wuvana mawu minlonguki miandi mu diambu bakabudila nkangu wu batu. 17 Bawu boso badia ayi bayukuta. Mu bitini bisiadidila, batota kumi bipani biodi.

18 Lumbu kimosi Yesu kaba sambila va lutengu, minlonguki miandi miba yandi va kimosi. Buna wuba yuvula :

—Buevi batu beti tubanga ; minu ndidi nani e ?

19 Minlonguki mimvutudila :

—Bankaka beta tuba widi Yowani Mbotikii ; bankaka Eli ; bankakabeta tuba widi wumosi mu mimbikudi mi tsi khulu wufulukidi.

20 Buna wuba yuvula :

—Vayi benu veka, lueta tuba ti minu ndidi nani e ?

Buna Piela wumvutudila :

—Ngeyo widi Klisto, wu Nzambi.

21 Buna Yesu wuba kamba :

—Lubika kamba mambu mama kadi kuidi mutu wumosi.

22 Buna wubuela diaka :

—Muana Mutu kafueti mona ziphasi ziwombo ayi bakulutu ba batu, bapfumu zi zinganga ayi minlongi mi mina miela kunloza. Wela vondu vayi wela fuluka mu lumbu kintatu.

23 Buna wukamba batu boso ti :

—Enati mutu tidi kundandakana buna kafueti kukizimbakana niandi veka vayi kabonga dikulusi diandi kadika lumbu ayi kandandakana. 24 Bila woso tidi keba luzingu luandi wela luzimbisa vayi wosowela luzimbisa mu diambu diama, buna wela luvukisa. 25 Enati mutu beki ntoto wumvimba vayi wukizimbisidi voti wukibivisidiniandi veka, buna ndandu mbi kambaka e ? 26 Enati mutu wumfuididi tsoni voti fuidi tsoni mu diambu di mambu mama, buna Muana mutu wela kumfuila tsoni bu kela kuizila mu nkembuꞌandi, mu nkembo wu Tata ayi wu zimbasi zinlongo. 27 Bukiedika ndikulukamba ti batu bankaka badi vava balendi ba fuako nate bela mona kipfumu ki Nzambi.

28 Dinana di bilumbu bu bivioka, landila mambu momo, Yesu wubonga Piela, Yowani ayi Zaki ayi wuyenda ku mbata mongo mu kuenda sambila.

29 Mu thangu kaba sambila, zizi kiandi kikituka, minledi miandimieka miphembi dio lio, milezama banga lusiemo. 30 Batu buadi baba solula yandi : Moyize ayi Eli. 31 Mu bawu mu monika nkembo. Bayolukila lufua lolo kela dukisa ku Yelusalemi.

32 Piela ayi bakundi bandi buadi baba baleka. Mu thandu bakotuka, bamona nkembo wu Yesu ayi bamona batu beni baba buadi baba yandi.

33 Mu thangu batu beni baba nduka vambana ayi Yesu, Piela wunkamba :

—Pfumu, bulutidi mboti tukala kuetu vava. Tueka tunga zinzozitatu zikapu : yimosi mu diambu diaku, yimosi mu diambu di Moyize, yimosi mu diambu di Eli.

Vayi kasia zaba ko mambu momo katuba.

34 Buna wukidi tubi, dituti dimosi diyiza ayi diba fukidila. Buna minlonguki mimona tsisi mu thangu mikota mu dituti.

35 Buna mbembo yitotuka mu dituti beni yiwakana :

—Niandu niandi Muanꞌama wundisobula, lunwila !

36 Mbembo yoyo bu yiwakana, Yesu niandi veka wusiala. Vayi bawu baba dio sui ; Mu bilumbu bina basia yolukila ko kadi kuidi mutu wumosi mambu momo bamona.

37 Mu lumbu kilanda bu baba kuluka mongo, nkangu wu batu wuyiza dengana Yesu. 38 Muna nkangu beni mutotukila mutu wumosi wuyamikina :

—A Nlongi, ndikuleba, tala muanꞌama wubakala. Wawu kaka muana widi yama. 39 Mpeve yawu kumbuila, buna muana wunyamikinanga. Mpeve beni yinkuntutumunanga, yikuntotulanga difulu ayi bu yimeni kumvongisa bunabosi yinkumbikanga. 40 Ndebidingi minlonguki miaku muingi miyitotula vayi misi nunganga ko.

41 Buna Yesu wuvutula :

—Tsungi yikambulu minu ayi yimbimbi ! Zithangu zikua ndielakadilanga yeno diaka va kimosi ? Zithangu zikua ndiela buela kangilanga ntima mu bila kieno e ? Buna wukamba mutu beni ti :

—Tuala muanꞌaku vava !

42 Mu thangu muana kaba fikama, mpeve yimbimbi yinlumba va ntotoayi yitona kuntutumuna ngolo. Buna Yesu wutemina mu kingolo mpeveyimbimbi. Buna wubelusa muana wubakala ayi wutambika wawu kuidi Siandi. 43 Babo basimina mu diambu di bunneni bu Nzambi.

Buna babo bakidi simina mu diambu di mambu moso momo Yesu kaba vanganga, buna wukamba minlonguki miandi :

44 —Lulunda bumbote mama luwilu bila Muana Mutu weka yekulu mu mioko mi batu.

45 Vayi minlonguki misia sudika ko mambu momo. Baba suekila tsundu yi mambu beni mu diambu mibika sudika. Ayi mimona tsisi mu yuvula tsunduyi mambu momo.

46 Ziphaka zitotuka mu bawu na bawu mu diambu di zaba nani lutidi munneni. 47 Yesu bu kazaba mayindu mawu ma mintima miawu, wubonga muanalezi, wuntedimisa va ndambu andi 48 ayi wuba kamba :

—Woso mutu wunyakula muana wawu mu dizina diama buna minu kuandi kayakudi. Ayi woso wundiakudi buna yakudi diaka mutu wowo wuntuma. Bila woso lutidi keva mu beno, buna niandi lutidi munneni.

49 Buna Yowani wunkamba :

—A nlongi, tumueningi mutu wumosi wulembu totulanga ziphevizimbimbi mu dizina diaku. Vayi tunkandikidingi bila kadiatanga yetu va kimosi ko.

50 Vayi Yesu wumvutudila ti :

—Lubika kunkandika bila woso kambulu bumbeni kudi beno buna ku ndambu eno kadi.

51 Thangu yoyi Yesu kafueti kuendila ku diyilu bu yifuana, bunawubaka lukanu lu kuenda ku Yelusalemi. 52 Wufidisa mimvuala ku ntualꞌandi. Buna miyenda mikota mu buala bumosi bu Samali mu diambu minkubikila nleko. 53 Vayi basi Samali bamanga ku ntambula bila ku Yelusalemi kaba kuenda. 54 Minlonguki miandi, Zaki ayi Yowani, bu mimona bobo, mituba :

—Pfumu, tidi tutumina mbazu, yintotukila ku diyilu, yibuila batu baba muingi yiba yoka ?

55 Vayi Yesu wubaluka ayi wuba temina.

56 Buna bayenda ku buala bunkaka.

57 Buna bakidi mu nzila mutu wumosi wuyiza kamba Yesu :

—Nlongi thidi kulandakana koso ku wunkuenda.

58 Yesu wumvutudila :

—Mimbaku midi ayi minsuku miawu momo mieta leka ayi zinuni zidiayi zindiala ziawu vayi muana mutu kasi ko buangu kivundisila ntu andi.

59 Yesu wukamba kuidi wunkaka :

—Ngeyo ndandakana.

Vayi mutu beni wumvutudila :

—A Pfumu, phani minsua ndienda tuami ziki siama.

60 Buna Yesu wunkamba :

—Bika bazika batu bawu bafua vayi ngeyo yenda samuna Kipfumu ki Nzambi.

61 Wunkaka diaka wunkamba :

—A Pfumu, ndiela kulandakana vayi bika theti ndienda vanimboti zitsuka kuidi dikanda diama.

62 Vayi Yesu wumvutudila :

—Mutu wowo simbidi tsengu mu sala mu tsola vayi tedi ku manima, kasi fuana ko mu diambu di Kipfumu ki Nzambi.