1 Ayi wubuela diaka :

—Bukiedika ndikulukamba : batu bankaka badi vava balendi ba fuako nate bela mona Kipfumu ki Nzambi kinkuizila mu lulendo.

2 Bilumbu bisambanu bu bivioka, Yesu wubonga Piela, Zaki ayi Yowani, wuba nata va bawu veka, va lutengo, va mbata mongo wumosi wunda. Wukituka va ntualꞌawu ; 3 minledi miandi mitona lezama ayi mieka miphembi dio ve. Kuisi ko mutu va ntoto wumvimba beki buvedisila minledi muingi miba phembi yi phila yina 4 Tumbu zimbukila Eli ayi Moyize baba monikina ; bansolula ayi Yesu.

5 Buna Piela wukamba Yesu :

—A Nlongi ! Bulutidi mbote tukala kueto vava ! Bika tutunga zinzozitatu zikapu : yimosi mu diambu diaku, yimosi mu diambu di Moyize, yimosi mu diambu di Eli.

6 Bukiedika kasia zaba ko diambu dituba bila bawu boso boma baba mona.

7 Buna dituti dimosi dimonika ayi diba fuka. Mbembo yimosi yitotuka mu dituti beni, yiwakana :

—Niandi, niawu muanꞌama wu luzolo, lunwila !

8 Muna yina thangu, minlonguki bu mitala ku ndambu ayi ndambu misia buela mona Moyize ayi Eli ko vayi Yesu kaka wusiala yawu.

9 Bu baba nengumuka mongo, Yesu wuba vana lutumunu ti babikakamba mambu mama bamueni kadi kuidi mutu wumosi nate Muana Mutu kelafuluka mu bafua. 10 Balunda mambu beni vayi bayuvasana bawu yi bawu tsundu yi “fuluka mu bafua”.

11 Buna banyuvula :

—A bila mbi minlongi mi Mina mieta tubila ti Eli kafueti tuama kuiza theti e ?

12 Yesu wuba vutudila :

—Bukiedika Eli kafueti tuama kuiza ayi wela kubika mambu moso. Vayi bila mbi disonimina mu minkanda ti Muana Mutu wela mona ziphasi ziwombo ayi wela sekonono e ?

13 Vayi minu ndikulukamba ti Eli wuyiza vayi bamvangila mambu bosobubela luzolo luawu banga bu disonimina mu diambu diandi.

14 Buna batula kuba minlonguki ; bamona nkangu wu batu wuba zungidila ayi milembo findana ziphaka ayi minlongi mi Mina. 15 Vana vawu nkangu wu batu buna wumona Yesu, wusimina ngolo. Buna batu boso bazawula mu diambu bamvana mbote.

16 Buna wuba yuvula :

—A diambu mbi lulembo findinina yawu ziphaka e ?

17 Mutu wumosi wuba muna nkangu wumvutudila :

—A Nlongi, ndinatiningi muanꞌama wu bakala widi pheve yi dibaba. 18 Mu kioso kuandi buangu Pheve yimbimba yawu kumbuila, yeti kuntutumuna ngolo ayi weti totula difulu mu munu ; weti kueta meno, bosi nitu yifueti mana kangama. Khembi minlonguki miaku muingi mikuka pheve beni vayi misi nunga ko.

19 Yesu wuba vutudila :

—Tsungi yikambulu minu ! Zithangu zikua ndiela kadila yeno va kimosi e ? Zithangu zikua ndiela buela kangila ntima mu bila kieno e ? Lundatina niandi.

20 Bantuadila muana beni. Pheve yimbimbi bu yitumbu mona Yesu, yitutumuna muana beni ; muana wulumbama va tsi ; muana wumvindumuka va tsi. Difulu dieka ntotuka va munu.

21 Yesu wuyuvula dise diandi :

—Tona thangu mbi katonina mona ziphasi ziazi e ? Dise diandi divutula :

—Tona mu bumuana buandi. 22 Zikhumbu ziwombo Pheve beni yimbimbi yeti kunlumba ku mbazu voti mu nlangu muingi yimvonda. Enati wulenda vanga diambu, bunabika wutumona kiadi, wutusadisa !

23 Yesu wumvutudila :

—Enati wulenda ! Mambu moso malenda vangama kuidi woso mutu wilukidi !

24 Vana vawu dise di muana diyamikina :

—Nguilukidi, wutsadisa mu kambu kuama ku minu.

25 Yesu bu kamona ti nkangu wu batu wulundumuka, buna wutemina pheveyimbimbi ayi wutuba :

—A Pheve yimbimbi yeti kanga mbembo ayi matu ma muana, minu ndikutumina : Totuka mu muana wawu ayi muisi ko thangu mu buela vutuka mu niandi.

26 Pheve yimbimbi yiyamikina, yitutumuna muana beni, bosi yitotuka. Muana beni weka banga wufua. Diawu batu boso baba vana batubila : “Yimeni, fuidi.”

27 Vayi yesu wunsimba mu koko, wuntedimisa, bosi muana beni wutelama.

28 Yesu bu kakota mu nzo, minlonguki miandi mieka kunyuvula va bawu veka :

—A bila mbi beto tusi nunganga ko mu kuka pheve yoyo e ?

29 Yesu wuba vutudila :

—Pheve yi phila yayi yeti totukila kaka mu lusambulu*minkanda minkaka misonika : pheve yi mpila yayi yeti totukila kakamu lusambulu ayi mu kukifuisa nzala mu lusambulu..

30 Babotuka muna zunga beni, baviokila ku Ngalili. Yesu kasia zola ko ti mutu ka buzaba 31 bila minlonguki miandi kaba longo ; wuba kamba :

—Muana Mutu wela yekolo mu mioko mi batu. Bela kumvonda. Vayi bilumbu bitatu bu biela vioka, wela fuluka mu bafua.

32 Vayi minlonguki misia sudika ko tsundu malongi beni, bosi boma miba mona mu kunyuvula biuvu.

33 Batula ku Kafalinawumi. Yesu bu kaba muna nzo, buna wuba yuvula :

—A mambu mbi lulembo findininanga ziphaka mu nzila e ?

34 Baboso baba dio sui ! Bila bu baba mu nzila, bafindasana bawu nabawu ziphaka mu diambu di zaba nani muna badi lutidi munneni.

35 Yesu wuvuanda, wutumisa Kumi mimvuala miodi ayi vuba kamba :

—Enati mutu tidi ba wutheti, buna kaba wutsuka mu batu boso ayikaba kisadi ki batu boso.

36 Bosi wubonga muana lezi, wuntelimisa va khatitsikꞌawu. Buna kambonga mu mioko miandi bosi wuba kamba :

37 —Woso wunyakula muana lezi wuphila yayi mu dizina diama, minu kuandi kayakudi. Ayi woso mutu wundiakudi buna bika sia ti minu kaka kayakudi vayi yakudi diaka mutu wowo wuthuma.

38 Bosi Yowani wunkamba :

—Nlongi, tumueningi mutu wumosi wuntotula ziphevi zimbimbi mu dizinadiaku vayi tunkandikidingi bila katulandakananga ko.

39 Yesu wumvutudila :

—Lubika kunkandika, bila kuisi ko mutu weti vanga kumu mu dizinadiama ayi zimbukulu weka kuthubidila mambu mambimbi. 40 Bila woso wukambu bumbeni kuidi beto buna ku ndambu eto kadi. 41 Tala, bukiedika ndikulukamba : woso kuandi mutu wukuluvana banza ti kopoyi nlangu mu dizina diama bila luidi batu ba Klisto, kalendi zimbisa ko mfutu andi.

42 Ayi wubuela tuba ti :

—Woso mutu wumbuisa mu masumu wumosi mu bana balezi baba betikunguilukila, bulutidi mboti bankanga, mu tsingu, ditadi dinneni diodi beti nikina zitheti bosi banloza mu mbu.

43 Enati koko kuaku kulembo buisi mu masumu buna zenga kuawu bila mboti wukota mu luzingu ayi koko kumosi ayi kuenda ku bulungi, kuidi mbazuyizimanga ko ayi mioko miodi miduka.

[ 44 Kuna zimvidi ziawu zilendi fua ko ayi mbazu yilendi zima ko†Mambu mama masi ko mu minkanda minkaka..] 45 Enati kulu kuaku kulembo buisi mu masumu, buna zenga kuawu bilamboti wukota mu luzingu ayi kulu kumosi ayi mu lozo ku bulungi ayi malu muadi maduka. [ 46 Kuna zimvidi ziawu zilendi fua ko ayi mbazu yilendi zima ko‡Mambu mama masi ko mu minkanda minkaka..] 47 Enati dieso diaku dieti kubuisa mu masumu, buna dovula diawu bila mboti wukota mu Kipfumu ki Nzambi ayi dieso dimosi ayi mu lozo ku bulungi ayi meso muadi maduka ; 48 kuna zimvidi ziawu zilendi fua ko ayi mbazu yilendi zima ko.

49 Bila kadika mutu wela kitulu lueki mu mbazu banga tsalu bu yinkitudilanga bidia lueki. 50 Tsalu kima kimboti vayi ti yisiedi ko lueki, buna buevi lulenda vutudila diakalueki luandi e ? Diawu bika luba tsalu mu beno veka ayi zingilanganu mu ndembama beno na beno.