1 Mu Yuda, Nzambi zabikini

Dizina diandi didi dinneni mu Iseli.

2 Nzo andi yi ngoto yidi ku Salemi,

buangu kiandi kidi ku Sioni.

3 Kuna kakeludila madionga malembo lemi,

nkaku ayi sabala, mbedi ayi binuanunu bi mvita.

4 Ngeyo lembo lezama mu kiezila,

lutidi kinzuku viokila miongo miwedi bibulu.

5 Makhesa mamana ku baziona bima,

balembo leki tulu tuawu tutsuka,

kadi wumosi mu binuani lenda tombula mioko miandi.

6 Mu themunuꞌaku, a Nzambi yi Yakobi,

ziphunda ayi matoma ma mvita*matoma ma mvita : voti matoma ma mvita ma bisengo. bibibiodi biledi tulu tuvindu.

Bileka tulu tuvindu.

7 Ngeyo veka, lembo monisa tsisi !

Nani wulenda telama va meso maku ngeyo fuema e ?

8 Tona kuna Diyilu wuwakikisa nzengolo ;

ntoto wumona tsisi ayi wutumbu dingalala ;

9 Thangu ngeyo, a Nzambi, wutelama mu diambu di sambisa

ayi mu diambu di vukisa bankwa ziphasi va ntoto.

10 Bukiedika nganzi aku kuidi batu yinnatini nzitusu ;

ayi bobo bavukidi mu nganzi aku, badi basimbudulu.

11 Tambikanu zikhanu kuidi Yave Nzambi eno

ayi dedikisanu ziawu !

Bika baboso badi mu nzunga ki mintoto,

banata bakaba kuidi mutu wowo widi tsisi.

12 Niandi weti bula phevi minyadi,

niandi tsisi beta kummona kuidi mintinu mi ntoto.