121
Yawe uŋun nin dakon kɨla amɨn
Piŋkop gawak ɨmɨm tamokon kɨgɨk dakon kap.
1 Nak sɨŋtoko ɨleŋon wɨgɨsak.
Paŋpulugokno dukwan da apban kokeŋ?
2 Yawe kundu gat ae mɨktɨm gat wasagɨt uŋun dagɨn paŋpulugokno egɨsak.
3 Kɨlago asak, do arɨpmɨ dɨma maŋ pokgi.
Kɨlago aŋek dɨpmɨn dɨma pokdok.
4 Pakyaŋsi nandani, Israel amɨn dakon kɨla amɨn uŋun pak nandat kɨnda dɨmasi asak.
5 Yawe uŋun gak da ɨleŋonjok egek kɨlago aŋek gak aŋyoŋgam asak.
6 Gɨldat da gɨldat kalba ae kanek da kalbi arɨpmɨ dɨma aŋupbal anjil.
7 Yawe da kɨlago aŋakwan yo yokwi morap toŋ kɨndasok da gak dɨma aŋupbal asak.
Egɨp egɨpgo kɨsi kɨla asak.
8 Yawe da abɨsok ae don kɨŋ apyo akdɨsal uŋun kɨlago aŋaŋ wɨgɨkdɨsak.