46
Amisye Tuna Wansautan muno Po wansayaranande
Masmur vatano susyo Kora wo ratoe. Nto irati akari po vatano matayao ukiny, maugavo ransyerane rai ai. Mamaisyo ransyeran ‘‘Alamot’’ *46:1 Ayao Ibrani Alamot ama ine raene ramu. Kuruno Ayao Amisy inta wo ratantona ware Alamot omamo ransyerane kotar inta mije, yara kuruno kaijinta ware ama ine mare wanya mansae onawirati ukiny dai. rai.
 
Amisye Pi darino wansaora, muno Wepi Po vambunine raunande wansai no marova rai,
muno Opamo Po wansaijaseo arono rui wana nsosobe ama uga rai.
Maisyare omaiti, vemo wanjaniv inya, arono rui muni so ntutar,
muno unate mangkiki ti ntaopon ntundumu asyo no mayan ate waraya.
Muno aneae mpanyoane mpapoambe, ama rareno kavavugai manakokoe,
ti ama vambunino mpanyoane mo unate raveti mangkiki.
 
Munijo Yerusalem omamo munijo terave Amisy Titi Rave Apa tuna rai mije.
Mana ami njayaisye njamo rai, mo anayanambe raugavo vatano una no munijo we mai.
Amisye taune Pi tuna munije we rai, weti mandamisye kakai,
Wepi pavaveo46:6 Ayao Ibrani maisyare so: ‘‘arono akane ntipu,’’ omamo mbe rarorombe Amisye pavave Po rave. Po rayaranande.
Amisye anamote ravari, weamo mine tename so mandamisyi,
susye kotaro wanave jewene ntavae wanonae,
muno akarijo titi awa ube akarive raije mandamisy.
AMISY Wepi be akarive naito munijo ntiti mansai, tuna wansautan,
Wepirati Amisy aneno Yakopa beaje Ai, Wepi be yambe wansaora irati wama marova mai.
Wade, wapo AMISY Apa ana dave raen:
Po anakotaro mine so inta rapamo anyi ti rakanive ta.
10 Wepi bambunin Po marova ntami no mine tename so ransopi,
muno wepi Po apae, atoe, weyame rakomati,
muno Po anaiyu marova ramero taname rai!
11 Po raura pare: ‘‘Syare wapo marova ravea nsopi
muno wapo raen Risyirati Amisy!
Risyirati titi rave susye kotare mai vintabo
muno titi rave no muni tename so!’’
12 AMISY Wepi be akarive naito munijo ntiti mansai, tuna wansautan,
Wepirati Amisy aneno Yakopa beaje Ai, Wepi be yambe wansaora irati wama marova mai.

*46:1 46:1 Ayao Ibrani Alamot ama ine raene ramu. Kuruno Ayao Amisy inta wo ratantona ware Alamot omamo ransyerane kotar inta mije, yara kuruno kaijinta ware ama ine mare wanya mansae onawirati ukiny dai.

46:6 46:6 Ayao Ibrani maisyare so: ‘‘arono akane ntipu,’’ omamo mbe rarorombe Amisye pavave Po rave.