70
1 Bselá neda', Dios.
Gúcale̱che neda', Xran.
2 Be̱n xelexedué'e, ne xelezúa lu da ste̱be benne' ca'
dxelaca lazre̱' xelútie̱' neda'.
Be̱n xelexebigue̱', ne xelexala benne' ca' dxelebene̱'
lawe' da zua' lu da ste̱be.
3 Be̱n xelexegá'ana xala benne' ca' dxelún le̱' chia'.
4 Benne' ca' zá'aque̱' lau Lue' xelebene̱',
ne xelezúe̱' lu da ba neza.
Benne' ca' dxelé̱'e̱ Lue': “Xcalenu'” lawe' da bseláu' le̱',
tu dxelennázqueze̱': “¡Zrente̱ naca Dios!”
5 Zua' lu da ste̱be, ne nate ni'a na'a.
Gudázega gácale̱nu' neda', Dios.
Nacu' Weselá chia', ne Xrana'.
Quebe chenu', Xran.