1 Xrana' Dios, bene da dxuchálaja' lau Lue'.

Bze̱ naga da dxenaba' lau'.

Gudá gácale̱nu' neda' lawe' da nacu' li lazre', ne xrlátaje.

2 Quebe guchi'u chia' neda', we̱n zrin chiu',

lawe' da lau' Lue' quebe nu chilá' benne' naque̱' du lazre'.

3 Gúcale̱ neda' lawe' da dxeláu zi' xuzre' neda'.

Xeláteze bache xelútie̱' neda'.

Ba belune̱' naca' ca tu benne' dxedé' lu da chul-la

4 Zua lázrdawa' lu da sté̱bele̱'e̱, ne dxewí'ine lázrele̱'a.

5 Dxeajsá lazra' ca guca nédxudaute̱.

Dxulaba lazra' ca naca xúgute̱ da be̱nu'.

Dxeajsá lazra' ca naca da zrente̱ ca' da be̱nu'.

6 Dxechisa na'a lau Lue'.

Naca' ca tu xe̱zr la xu bizre, dxebíleda' Lué'queze.

7 Gudázega gácale̱nu' neda', Xran, lawe' da dxedú lazra'.

Quebe chenu' gácale̱nu' neda', chee̱ quebe gaca' ca tu benne'

8 Che zílala be̱n cheajsá lazra' dxexache lazru' bénneache

lawe' da dxuxrén lázrequeza' Lue'.

Bzéajni'i neda' ca dxal-la' guna'

lawe' da dxezá lazra' guna' da dxaca lazru' Lue'.

9 Xrana' Dios, bselá neda' lu na' benne' ca' dxeledábague̱'

lawe' da dxuzúa cuina' lu na'u chee̱ guxúequezu' neda'.

10 Bse̱de neda' chee̱ guna' da dxaca lazru' Lue',

Gusel-la Be' xrlátaje chiu' chee̱ che̱'e̱ neda' la neza chawe' chiu'.

11 Chee̱ gaca bea na nacu' xrlátaje, Xran, gutipu' lazra'.

Lawe' da nacu' xrlátaje, guseláu' neda' lu da dxaca chia'.

12 Lawe' da nacu' li lazre', guzría xi'u benne' ca'

ne guzría xi'u xúgute̱ benne' ca' dxelaca lazre̱'

lawe' da naca' neda' we̱n zrin chiu'.