145
1 ¡Gucá'ana szrena' Lue', Dios chia', ne Wenná Bea chia'!
¡Tu güe lá'anazqueza' Lau' Lue' chadía chacanna!
2 ¡Tu zra tu zra güe lá'ana' Lue'!
¡Tu güe lá'anazqueza' Lau' Lue' chadía chacanna!
3 ¡Szrente̱ naca Xránadxu Dios, ne naca chee̱'
tu güe lá'anazquezdxu Le̱'!
¡Québequeze séquedxu gúnbeadxu ca szrente̱ naque̱'!
4 Xúgute̱ cuen bénneache chiu' xelúe lá'ane̱' da be̱nu' Lue',
ne xuluzenne̱' benne' xe̱zr la xu ca' ca naca da zrente̱ da be̱nu'.
5 Gulaba lazra' ca naca da xrtante̱ chee̱ da xabáa chee̱
xel-la' szren chiu', ne ca naca da zrente̱ da nunu'.
6 Xúgute̱ bénneache xuluchálaje̱' ca naca xel-la' waca chee̱
da zrente̱ da nunu',
na' neda' guzenda' le̱' ca naca xel-la' szren chiu'.
7 Xuluzenne̱' le sa' ljwezre̱' ca naca xel-la' zri'i lazre' zren
chiu',
ne tu xelúl-lazqueze̱' chee̱ da xrlátaje da nacu' Lue'.
8 Xránadxu Dios naque̱' zri'i lazre', ne dxexache lazre̱'
bénneache chee̱'.
Dxezrene̱', ne quebe dxezrá'aze̱', na' dxexache lázrele̱'e̱ dxi'u.
9 Dxun Xránadxu Dios da chawe' chee̱ xúgute̱ bénneache,
ne dxexache lazre̱' xúgute̱ da zaj naca ban da nune̱'.
10 Xúgute̱ da ca' nunu' xelúe lá'ana na Lue', Xran,
na' bénneache chiu' xulucá'ana szrene̱' Lue'.
11 Dxelenné̱' ca szrente̱ naca xel-la' dxenná bea chiu'.
Dxuluchálaje̱' ca naca xel-la' waca zrente̱ chiu',
12 chee̱ xuluzenne̱' xúgute̱ bénneache ca naca da zrente̱ ca'
da nunu',
ne ca naca da xabáa chee̱ xel-la' szren chee̱ xel-la' dxenná bea
chiu'.
13 Xel-la' dxenná bea chiu' tu súazqueze na,
ne nna be'enu' xúgute̱ cuen bénneache.
14 Nuxru Xránadxu Dios xúgute̱ benne' ca' dxeajlecházie̱',
ne dxechise̱' xúgute̱ benne' ca' zaj nada'u lu zrin wal-la.
15 Xúgute̱ bénneache dxelenné̱'e̱ Lue' chee̱ gácale̱nu' le̱',
na' Lue' gunézruju' da xelawe̱' ca zrin zra chee̱ na.
16 Dxuzé̱ na'u, ne dxunézruju' ca naca da chawe'
da dxelexázrje xúgute̱ da zaj naca ban.
17 Xlátaje̱ naca Xránadxu Dios lu xúgute̱ da dxune̱',
ne dxexache lazre̱' xúgute̱ da zaj naca ban da nun Le̱'.
18 Xránadxu Dios zúate̱queze̱' gácale̱ne̱' xúgute̱ benne' ca'
dxululáwizre̱' Le̱',
xúgute̱ benne' ca' du lazre̱' dxululáwizre̱' Le̱'.
19 Gune̱' ca dxelezá lazre' benne' ca' dxelezrebe̱' Le̱'.
Cá'anqueze xenne̱' chee̱' gate xululáwizre̱' Le̱', ne guselé̱'
benne' ca'.
20 Xránadxu Dios dxuxúequeze̱' xúgute̱ benne' ca'
zaj nazrí'ine̱' Le̱',
san guzría xi'e̱ xúgute̱ benne' ca' dxelebéaj xíchaje̱' Le̱'.
21 Du lazra' güe lá'ana' Xránadxu Dios.
Xúgute̱ benne' dxal-la' tu xelúe lá'anazqueze̱' Le̱' lá'azxa
chadía chacanna.