5
Kutúula óokwo Múungu ayeendáho
1 Habwo kuba muli abáana ba Múungu abo ayeénda, mususane náwe. 2 Mutuúle omu ngoonzi, nko óokwo Kristu akatweenda íichwe, akeésohoza kufwa ha bwéetu, yaaba echitáambo éecho echiine omulaango muzima ahali Múungu.
3 Náho obusaambani*5:3 Obusaambani: Aháandi no obusiihani nali obuseégu. nakáti butahulilwa omuli íimwe, nali obulofo ne etuúnku za amabonwa, habwo kuba ebikolwa bye engaanda éezo tibizila akáanya omu batakatíifu. 4 Nakáti mutagaámba ebigaambo ebye ensoni, ebigaambo ebye echifweéla nali obuhakani, éebyo tibikweendélwa, náho ebilikweendelwa ne éebyo ebili byo kumusiima Múungu.5:4 Osome Abaefeso 5:20; Abakolosai 3:15, 17. 5 Kuba ne etuúnku za amabonwa ni nko okulamya ebisusano bitali Múungu.5:5 Osome Abakolosai 3:5. Musoomboókelwe aha mazima nka nikwo abeena etuúnku za amabonwa, abaseégu, na abalofo tibakuhuungula choóna chóona omu bukáma bwa Kristu na Múungu.5:5 Osome 1 Abakorinto 6:9-10; Abagalatia 5:20-21.†5:5 Obukáma bwa Múungu: Habwo obusoomboozi bwooli osome Obusoomboozi habwa Amagaambo Agagumile. 6 Mutakuunda omuuntu weéna wéena akababéeha habwa amagaambo nka ago agatéenamo nsoonga, kuba ago magaambo nigo galeetelela echihulumuko cha Múungu aha baantu áabo abalikwáanga kugomookela ebilagilóbye. 7 Ha bwéecho, mutateelana na abaantu nka abo. 8 Aho kala, íimwe mukaba muli omu nsiimbaazi, náho óobu, muli omu mwaanga omu kukwaátaangana kwéenyu no Omukáma Yeézu. Mbwéenu óobu, mulame nka abáana abali omu mwaanga! 9 Habwo kuba amagoomba go omwaanga no kukola ebikolwa byóona bye emiganya mizima ne ebye ntúungwa nzima, ne ebya amazima. 10 Muzile obweéyomeleza bwo kusoombookelwa amagaambo áago agalikumusemelela Omukáma. 11 Mutaákuba nimusiimbahala ne ebikolwa bye ensiimbaazi kuba tibiina mugaso, náho mubite ha bwéelu. 12 Ha kuba amagaambo áago agalikukolwa bweeseléke na abaantu abaheni, na age ensóni no óobu kugagaamba. 13 Náho buli chiintu chóona kachilikumulikwa no omwaanga chimanyíika, na amazima gaácho gasoombooka. 14 Niyo ensoonga egaambwa eéti,
“Imuka íiwe óogwo ohuniile!
Ozóoke kuluga omu bafwiile,
15 Mbwéenu, mube abeétegeelezi nka nikwo mulikutuulaho. Mutaákuba nka abaantu abasilu, náho mutuúle nka abeena amasala. 16 Mukoze obuchilo bwáanyu kuzima, habwo kuba ebilo ebi abaantu nibakola obuzilwa bwíinzi. 17 Ha bwéecho, mutaákuba abasilu, náho muleengese kusoomboókelwa áago agali engoonzi yo Omukáma. 18 Káandi mutatamiila evíini,§5:18 Evíini: Habwo obusoomboozi bwooli osome Obusoomboozi habwa Amagaambo Agagumile. habwo kuba kutamiila nikuleetelela omuuntu kukola amagaambo ge ensóni. Náho íimwe mwiizuzwe no Omwooyo Mutakatíifu. 19 Oluhooyo lwéenyu lube lwe enzina zi ikuzo, ezaburi, ne enzina zo omu mwooyo. Mumuzinile no kumweéyaanda Omukáma Yeézu aha myóoyo yáanyu yóona. 20 Káandi, mube nimumusiima Isíichwe Múungu, omu magaambo góona, buchiile, habwa amagaambo góona áago Omukáma wéetu Yeézu Kristu akozile. 21 Mube nimukoondoókelana íimwe omuli íimwe, habwo kuba nimumweeganya Kristu.
Ameégeso habwa abakázi na abaséeza
22 Íimwe abakázi, mube nimubakoondookela bebeenywe, nko kumukoondookela Omukáma wéetu.5:22 Osome Abakolosai 3:18; 1 Peétero 3:1. 23 Habwo kuba omuséeza nigwo omútwe*5:23 Omútwe: Ensoonga yaáho no omutégeki nali omukáma. gwa mukazíwe, nka Kristu kwa ali omútwe gwe ekelezia, náwe no Omuchuúnguzi we éezo kelezia, niyo omubili gwoómwe. 24 Mbwéenu, nka nikwo ekelezia emukoondoókela Kristu bityo nyini na buli mukázi náwe amukoondoókele iíba ahali buli chigaambo. 25 Neemwe abaséeza, mube nimweénda abakázi báanyu,5:25 Osome Abakolosai 3:19. nka Kristu okwo yaázizile engoonzi habwe kelezia, akeésohoza habwa yoónyini. 26 Akakola aátyo habwe echigaambo choómwe abone kwéeza ekelezia, káyaabeele yaámazile kuzisemeza aha kuzóoza na améenzi.5:26 Osome Tito 3:5. 27 Kuba abone kweéboneseza ekelezia éezo elikukuzibwa, eteena katokoozi nali kunyaankabala nali choóna chóona nke ebyo náho eébe entakatíifu etéena entaambala.5:27 Osome 2 Abakorinto 11:2. 28 Bityo nyini, buli museeza naayeéndelwa amweénde mukázi woómwe nko omubili gwoómwe nyini. Omuséeza óogwo alikumweénda mukazíwe, weényini ogwo ayeyeenda. 29 Ha kuba tiheena omuuntu hoóna hóona óogwo atamwa omubili gwe, náho aguliísa no kugweémanya, nka Kristu óokwo ayemanya ekelezia yoómwe, 30 neechwe tuli enziingo zo omubili gwoómwe. 31 Ha bwéecho, omukwaáta alaasiga iíse na nyina, náwe azeénda kweékwaatanisa na mukazíwe, nábo bábili nibaba omubili gúmo.†5:31 Omukwaáta alaasiga iíse na nyina, náwe azeénda kweékwaatanisa na mukazíwe, nábo bábili nibaba omubili gúmo: Amagaambo aga ne echihweekezo kuluga echitabu cho Okubaanza 2:24. 32 Omu magaambo aga heenamo echihwe, ne echihwe echo ni chiháango chilikusobeza. Náho íinye niingaámba habwe empola ya Kristu ne ekelezia.
33 Mbwéenu, niimbagaambila káandi nka nikwo, buli museeza amweénde mukazíwe nko óokwo ayeyeenda weényini, na buli mukázi náwe, ataleka kumukoondookela iíba.
*5:3 5:3 Obusaambani: Aháandi no obusiihani nali obuseégu.
5:4 5:4 Osome Abaefeso 5:20; Abakolosai 3:15, 17.
5:5 5:5 Osome Abakolosai 3:5.
5:5 5:5 Osome 1 Abakorinto 6:9-10; Abagalatia 5:20-21.
†5:5 5:5 Obukáma bwa Múungu: Habwo obusoomboozi bwooli osome Obusoomboozi habwa Amagaambo Agagumile.
‡5:14 5:14 Imuka íiwe óogwo ohuniile! Ozóoke kuluga omu bafwiile, na Kristu aléeza kukumulikila: Amagaambo aga ti chihweekezo cho kuluga Endagano ya Kala. Neesana oóti nka nikwo amagaambo aga gakakozwa omu luzina lwe Echikristu. Omu luzina óolu bakakolesa ebinogoka bunaanka bunaanka omu Bibulia nko okususanisa. Osome Isaya 26:19; 60:1; Abarúumi 13:11.
§5:18 5:18 Evíini: Habwo obusoomboozi bwooli osome Obusoomboozi habwa Amagaambo Agagumile.
5:22 5:22 Osome Abakolosai 3:18; 1 Peétero 3:1.
*5:23 5:23 Omútwe: Ensoonga yaáho no omutégeki nali omukáma.
5:25 5:25 Osome Abakolosai 3:19.
5:26 5:26 Osome Tito 3:5.
5:27 5:27 Osome 2 Abakorinto 11:2.
†5:31 5:31 Omukwaáta alaasiga iíse na nyina, náwe azeénda kweékwaatanisa na mukazíwe, nábo bábili nibaba omubili gúmo: Amagaambo aga ne echihweekezo kuluga echitabu cho Okubaanza 2:24.