1 Jwanꞌ nasa, lo ta mbroꞌxban goꞌ kon Crist, pkwanꞌ goꞌ reta jwanꞌ nde lo beꞌ tenꞌ ndob Crist lad ban Dios.3:1 2:12; Ef. 2:5-6; Mt. 6:20-23; Ef. 1:20; Sal. 110:1; Heb. 1:13. 2 Ptoblo goꞌ reta jwanꞌ lo beꞌ, naꞌtoblod goꞌ re jwanꞌ lo izyo3:2 Mt. 6:33.. 3 Tak ngujla goꞌ lo mod gox mban goꞌ pola nde naya yalnaban chanꞌ goꞌ ngenosaꞌ Xaꞌy kon Crist, lo Dios. 4 Lo senꞌ Crist, Xaꞌ nak yalnaban chanꞌ goꞌ ryoꞌto Xaꞌ, nogaꞌ goꞌ ryoꞌto kon Xaꞌ kon dib yalnaro chanꞌ Xaꞌ.

5 Jwanꞌ nasa thiptane bla' goꞌ reta jwanꞌ narax ndli go': naꞌgaxnod goꞌ men nanakta salꞌ goꞌ, naꞌlit goꞌ re jwanꞌ ngoꞌyantho men, neka tyablaꞌs goꞌ li goꞌ jwanꞌ xkap, nde jwanꞌ narax, naꞌtyablaꞌsta goꞌ keno goꞌ brotoz jwanꞌ tak lal nak jwanꞌ na lo men ta ndyoxub lo mnab. 6 Lo ndli men re jwanꞌ reꞌ, yalnayiꞌ chanꞌ Dios nde xis men tak naꞌnxobyekta men Dios. 7 Pola, no goꞌ mbli re jwanꞌ reꞌ, senꞌ lo mkete goꞌ lo mod lo izyo reꞌ. 8 Per naya noga blaꞌ goꞌ re jwanꞌ reꞌ: naꞌaknayiꞌd goꞌ, naꞌxid lazoꞌ goꞌ, nalid goꞌ re jwanꞌ narax nak, naꞌnixinta goꞌ xis men, nde naꞌnid goꞌ diꞌs xin. 9 Nakwiꞌnod goꞌ re ta goꞌ, tak mblaꞌla goꞌ mod gox nak goꞌ nde jwanꞌ narax mbli goꞌ pola, 10 nde xajaꞌ men nchok xaba, gok goꞌ mod kub reꞌ, jwanꞌ wiz kon wiz ngelilal Dios goꞌ xaja nak Dios axta kebeꞌ yolopa goꞌ Dios. 11 Jwanꞌ nasa, naꞌngentraꞌ kwan liy tez nak men xaꞌ judí o naꞌnakta mena, tez ndob beꞌ lad men ten' nak lad men bi'ba o naꞌngentey, tez nchak xaꞌ o naꞌnchakta xaꞌ, tez nak xaꞌ moz o naꞌnakta xaꞌy, cheꞌla Crist nak Xaꞌ ntak toz nde Xaꞌ naban lenꞌ lazoꞌ goꞌ.

12 Dios nkeꞌ lazoꞌ Xaꞌ goꞌ nde mblí Xaꞌ goꞌ sa ak goꞌ men yez nayon chanꞌ Xaꞌ. Jwanꞌ nasa thibla' ban go' , blat lazoꞌ goꞌ men ndyak yalti, wen bli goꞌ lo men, nadoꞌ gok goꞌ, nabeꞌz gok goꞌ nde bxek goꞌ lo jwanꞌ ndariꞌd goꞌ. 13 Bxek goꞌ ta go' nde tez cho men mbli narax lo goꞌ, ptoriꞌd goꞌ jwanꞌ na yek goꞌ. Ta xa mtonꞌ Crist reta jwanꞌ narax mbli goꞌ lo Xaꞌ, tagaꞌ bli goꞌ lo ta goꞌ. 14 Per jwanꞌ mas ntak lo reta jwanꞌ nak ban go' mod reꞌ: pkeꞌ lazoꞌ goꞌ ta goꞌ, tak jwanꞌ na ndli sa thita nawe ndenta men. 15 Ndaꞌblo taꞌ goꞌ diꞌs sa yalnabeꞌz chanꞌ Crist nyebeꞌy lenꞌ lazoꞌ goꞌ, tak Crist mbrez goꞌ sa thita ben ak goꞌ sa nabeꞌz yo goꞌ; nde thiblaꞌ ptaꞌ goꞌ dyux lo Dios.

16 Ptaꞌ goꞌ diꞌs sa xkiꞌs Crist xata nak re tira yobana lo yalnaban chanꞌ goꞌ. Bloꞌ goꞌ nde ptoni goꞌ ta goꞌ kon dib yalnchak jwanꞌ ndaꞌ Dios. Dib nzo lazoꞌ goꞌ ndotaꞌ goꞌ dyux lo Dios, bilꞌ goꞌ salmos, himnos nde masraꞌ di lo Dios. 17 Nde reta jwanꞌ li goꞌ o ni goꞌ, bli goꞌ retey lo le Jesús Xaꞌ Nyebeꞌ, ndotaꞌ goꞌ dyux lo Xud naꞌ Dios tak Crist mbli sa toyal taꞌ goꞌ dyux.

18 Re goꞌ men got naselya', bxobyek goꞌ salꞌ goꞌ, jwanꞌ na ndablo li men got jwanꞌ ndli lazonꞌ Xaꞌ Nyebeꞌ. 19 Reta goꞌ men biꞌ ndob salꞌ naꞌ, pkeꞌ lazoꞌ goꞌ men got go', nde naꞌakpchachta goꞌ lo xaꞌ. 20 Reꞌ goꞌ mdyenꞌ, bxoꞌbyek goꞌ xud goꞌ nde xnaꞌ goꞌ lo reta jwanꞌ nyebeꞌ xaꞌ, tak jwanꞌ reꞌ ndryoꞌ lazoꞌ Xaꞌ Nyebeꞌ. 21 Re goꞌ xud mdyenꞌ, natoxid goꞌ lazoꞌ xinꞌ goꞌ, sa nayonabilta lazoꞌ or. 22 Reta goꞌ moz, jwanꞌ ngeno xwanꞌ naꞌ lo izyo reꞌ, bxoꞌbyek goꞌ xaꞌ, naꞌlid goꞌy benꞌta senꞌ ndowiꞌ xaꞌ lo goꞌ, sa wen yanꞌ goꞌ lo xaꞌ, cheꞌla bli goꞌy dib nzo lazoꞌ goꞌ, lo ta nseb lazoꞌ goꞌ Dios. 23 Reta jwanꞌ li goꞌ, bli goꞌy dib nzo lazoꞌ goꞌ, ta xajka lo Jesus Xaꞌ Nyebeꞌ ngeli goꞌy nde nangelid goꞌy lo men. 24 Mnela goꞌ leꞌ Xaꞌ Nyebeꞌ tayaꞌ jwanꞌ kayaꞌ goꞌ xaja jwanꞌ mbli goꞌ gan, tak lo Crist Xaꞌ Nyebeꞌ ndli goꞌ sinꞌ. 25 Leꞌ re men ndli jwanꞌ narax, kix xaꞌ jwanꞌ narax mbli xaꞌ, tak Dios nambid Xaꞌ men.