6
Utufi Laꞌilaꞌi
Aba Fatubu 6:5-22
5 Dodoga tanoꞌubu yai Guyau ya itadi mate fuya ouꞌouli edi laulau yo edi nuwanuwatuhu sa heyaya wananaha, 6 be Guyau ya fatalapili lau dodoga ya ginaulidi tanoꞌubu yai, be nuwana ya heyaya.*In moho, fuyana Guyau tanoꞌubu ginaulidi mahudoꞌidi ya ginaulidi, nuwana mate ya amna wananaha, Au itaꞌita lau Aba Fatubu peina 1. 7 Yo fede Guyau ya liba iyen,
Ginauli somo mahudoꞌidi E ginaulidi tanoꞌubu yai haba E abifahidi. Paꞌana dodoga nuwagu sa faheyaya.
8 In moho Guyau Nowa ya ita faloholoho.
9-10 Itete Nowa dedena:
Nanatuna faihona hesadi mate, Sem, Ham yo Diyapeti. Nowa ena fuya yai mate hige ena lau pono hesa. Yaubada moho ya famuli watan. 11 Dodoga mahudoꞌidi mate Yaubada matana yai heyaya sa laulau ginauli be heyaheyaya wa ya tadada. 12 Nuꞌu mahudoꞌina Yaubada ya ita mate heyaya ya famohafu yo dodoga laulau heyaheyayadi sa miyamiyaꞌedi.
13 Yo fede Yaubada ya libalau Nowa lisina iyen,
Paꞌana debadi yai tanoꞌubu mahudoꞌina heyaheyaya ya mohafu, Yau haba dodoga adi sigasiga E tole yo nuꞌu mahudoꞌina haba E faheyaya hinaga. 14 Em waga u ginauli ai oyagi loholohodi. Bilidi u ginaulidi na ganahewa yo ganamuli kolutaꞌa u toledi.†Kolutaꞌa aniyona mate “coal tar.” 15 Wagana u ginauli doha ite: lofana 137 mita, magagana 22 mita, na hewana 14 mita. 16 Solasolana u tole lumalumana ai ubuna aꞌawana doha 45 sentimita yo hiti faihona u toledi, na edaꞌedana ai sadai u tole.
17 Haba diboli utuꞌutu E fatamaliyawa ai tanohi, be ginauli mwahumwahulidi mahudoꞌidi haba ya faheyayadi. Ginauli be sa peꞌi. 18 In moho yali haba E ginauli ai lisim. Um, lahum yo nanatum ma lalahudi haba ami luhu waga ganahewana. 19-20 Yosiyosi, suisui kamokamodaladi yo ataiꞌa tinabawa yo tamoꞌana nene hesa - hesa u abidi be haba sa mwahumwahuli. 21 Kalahe hesa - hesa gonowana sa an, u abidi, tefana suisui adi na tefana ami, mate u pei gogondi.
22 Yo fede somo Yaubada ya fatalaha mate Nowa ya ginauli watanidi.