23
Balam ya Liba Peloweta Fafa Luwagana
Namba 23:18-24
18 Habahim Balam wasa te ya libaen:
Dipo natuna Balaki u obiyo!
Be somo haba E libaen, u atahi.
19 Yaubada hige i laulau bwalabwala doha ita dodoga;
Yaubada hige nuwana i buibuiꞌi doha ita.
Somo ya liba fasunuma mate ya ginauli watan.
Ya liba moho na ginauli sa tubu.
20 Yaubada ya falibagu bena Isalaela E liba faloholohodi.
Yena Guyau haꞌa ya liba faloholohodi,
Yau hige gonowana ya bui be ya liba faheyayadi.
21 Fuya matada yai Iyakobo laulauwewena,
Isalaela, ibege heyaheyaya e pilipili ti fahoinadi.
Guyau edi Yaubada mate, maꞌedi.
Na sa yoga famahata mate, In edi Kin.
22 Yaubada, Idipi yai ya auledima.
Be ena adidili doha bulumakau tamoꞌana yekoyekona.*Aniyona mate: enehedi ya tonagalagala.
23 Isalaela ibege ti kaumananaedi
yo ibege ayahan ti gwalidi yo kalawan ti kalawanidi.
Aho te dodoga haba tiyen,
Yaubada somo ya ginauli,
Isalaela enehedi, hola au ita!†Iyakobo hesana hesa Yaubada ya tole mate Isalaela.
24 Isalaela doha laiyon manamanabalana.‡(Samsi 17:12) Ami waiyunu mate, doha laiyon guliguliyamna.
Hige gonowana i anyawasi ee–, ana ban ya an,
yo ꞌwasinana ya nom.