7
Taniel a tan usun föman mönümanau
7.1-28
Lon aeuin ierin mwün Pelsasar ewe kingen Papilon, ngang Taniel a wor künaei lon ai tan, lupwen üa annut won ai peet. Nge wesin ai tan üa makeetiu masouan. Iei pworausen mine üa küna lon ewe pwinin. Üa küna pwe rüanü mölümöl ra mölümöliti ewe matau watte. Iwe, föman mönümanau mi watte ra feitä me lon ewe matau, nge eman me eman leir a sokola. Pwär 13.1; 17.8 Ewe aemanün a wewe ngeni eman laion, nge pöükässin ra usun chök pöükässin eman ikel. Iwe, lupwen üa nenengeni, pöükässin ra üttüwu seni, nge eman a aütäi seni won fanü, pwe a üwenewenetä won ruofoch pechen usun eman aramas. Iwe, eman a siwili tipan ngeni tipen aramas. Iwe, ewe aruomanün mönümanau a usun chök eman pear, nge epekin inisin chök a ütä. Iwe, ülüfoch chürärä ra nom lon awan lefilen ngiin, nge eman a üreni, “Kopwe ütä o ochei chomong fituk.” Mürin üa küna pwal eman mönümanau a usun chök eman lepart, a wor fofoch pöükässin won sökürün usun pöükässin machang, a pwal wor rüanü möküran, nge eman a ngeni an nemenem. Pwär 13.2 Mürin, üa küna ewe afömanün mönümanau, a fokun eniweniw o eniuokus, a pwal fokun pöchökül. Ngiin mi langatam ra usun chök mächä, a ochei o atatakisi liapan, a pwal purätiu meinisin mine a lusun. Iwe, sokun ei mönümanau a sokola seni ekewe mi akom mwan, a pwal wor engol mächän. Pwär 12.3; 13.1 Lupwen üa nenengenifichi mächän kewe, üa küna pwal efoch mächän mi kükün a pwükütä me leir. Nge lupwen ewe efoch a pwükütä, ülüfoch seni ekewe engol ra üttütä me lepopur. Nge nengeni, ei mächä a wor mesan usun chök mesen eman aramas, a pwal wor awan mi eäni kapas tunomong. Pwär 13.5-6 Iwe, üa nengeni o küna pwe ra amolätä lenien motun king, nge Kot ewe mi nom seni me lomlom a mottiu won eu. Iwe, üfan a pwechepwech usun snow, möküran a üwan usun chök ülen sip mi pwechepwech, nge an lenien mot me willan kewe ra usun chök pulopulen ekkei. Pwär 20.4; 1.14 10 Iwe, eu ekkei mi watte a ngetewu seni, ngeröün chon angang ra angang ngeni, nge eu mwichen millionun aramas ra ütä mwan. Iwe, ekewe souapwüng ra mottiu o suki puk kana pwe repwe eäni kapwüng. Pwär 5.11; 20.12 11 Iwe, üa sopwela le kakatol pokiten än ewe mächä eäni kapas tunomong. Nge lupwen üa nenengeni, üa küna pwe ewe afömanün mönümanau a ninnila, a pwal tatakis inisin o koturulong lon ekkei pwe epwe karala. 12 Esap chüen wor än ekewe lusun mönümanau nemenem. Ra chüen manau, nge manauer a chök aükük. 13 Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan. Mat 24.30; 26.64; Mark 13.26; 14.62; Luk 21.27; Pwär 1.7,13; 14.14 14 Iwe, a angei an nemenem me lingan me mwün, pwe aramasen fanü me mwü, pwal aramas mi eäni sokopaten fos repwe angang ngeni. An nemenem epwe nom tori feilfeilachök, esap tongeni wesila, nge mwün esap tongeni tala. Pwär 11.15
15 Ngang Taniel üa lolilen lon letipei, pun künaei lepwin a eniuokusuei. 16 Iei popun üa churi eman lein chokewe mi ütä arun ewe lenien motun king o aisini usun pwüngün ekewe mettoch meinisin. Iwe, a awewe ngeniei wewen, 17 “Ekewe föman mönümanau mi watte ra wewe ngeni föman king repwe ütä o nemenem won fanüfan. 18 Nge chon pin kana nöün Ewe mi Fokun Tekia repwe angei ewe mwü o mwüni tori feilfeilachök.” Pwär 22.5
19 Mürin üa mochen silei usun pwüngün me wewen ewe afömanün mönümanau a sokola seni ekewe lusun. A fokun eniweniw, ngiin ra usun chök mächä, ükkün ra usun piras, a ochei o atatakisi liapan, a pwal purätiu meinisin mine a lusun. 20 Üa pwal mochen silei usun pwüngün me wewen mächän kewe engol won möküran, pwal usun ewe efoch mi pwükütä me leir, nge ülüfoch seni ekewe engol ra üttütä. Üa pwal mochen silei pwota a wor mesen ewe mächä me awan mi eäni kapas tunomong, pwal popun an pöchökül lap seni ekewe lusun. 21 Iwe, lupwen üa nenengeni, üa küna pwe ei mächä a maun ngeni ekewe chon pin o akufuur, Pwär 13.7 22 tori Kot ewe mi nom seni me lomlom a war o peni ekewe chon pin nöün Ewe mi Fokun Tekia lon kapwüng. A war ewe fansoun pwe ekewe chon pin ra angei mwür. Pwär 20.4
23 Iwe, iei ewe kapasen awewe a aiti ngeniei, “Wewen ewe afömanün mönümanau, epwe wor arüanün mwü won fanüfan mi sokola seni ekewe mwü meinisin. Ei mwü epwe oromala unusen fanüfan, epwe pwal purätiu o atatakisi. 24 Nge wewen ekewe engol mächä, engol king repwe ütä seni lon ei mwü. Mürin, eman epwe ütä mürir, nge epwe sokola seni ekewe mi akom o asapwilätiu ülüman king. Pwär 17.12 25 Iwe, epwe eäni kapasen üpälü ngeni Ewe mi Fokun Tekia, epwe pwal ariaföüü ekewe chon pin nöün Ewe mi Fokun Tekia o ekiekin siwili fansoun me allük. Iwe, ekewe chon pin repwe tolong fän nemenian lon ükükün ülüngat esop ier. Pwär 12.14; 13.5-6 26 Mürin, ekewe soukapwüng repwe mot lon kapwüng, repwe angei seni ätewe an nemenem pwe esap chüen fis tori feilfeilachök. 27 Nge ewe mwichen chon pin nöün Ewe mi Fokun Tekia repwe angei nemenem me ling, pwe repwe nemeni mwü kana meinisin mi nom won fanüfan. Pwär 20.4; 22.5
Iwe, mwür epwe nonom tori feilfeilachök, nge sounemenem meinisin repwe angang ngeniir o aleasochisiir.”
28 Iei ükükün ai pworaus. Nge ngang Taniel üa fokun niuokus ren ai kewe ekiek, pwe wowoi a siwil. Nge üa iseis ei pworaus lon letipei.

7:3: Pwär 13.1; 17.8

7:6: Pwär 13.2

7:7: Pwär 12.3; 13.1

7:8: Pwär 13.5-6

7:9: Pwär 20.4; 1.14

7:10: Pwär 5.11; 20.12

7:13: Mat 24.30; 26.64; Mark 13.26; 14.62; Luk 21.27; Pwär 1.7,13; 14.14

7:14: Pwär 11.15

7:18: Pwär 22.5

7:21: Pwär 13.7

7:22: Pwär 20.4

7:24: Pwär 17.12

7:25: Pwär 12.14; 13.5-6

7:27: Pwär 20.4; 22.5