1 Kô hset achìh hu taƀoe xinoe da Ađam. Hì Boc Plình ma broq loh kon mangai, aih haq broq kon mangai tìah ka Boc Plình; 2 Haq broq loh mangai calô xam mangai cadrì, am xôq ramot ka wì, tahì ma broq loh haq yiniq ka wì la mangai. 3 Jò Ađam khoe jah 130 hanam, haq i moeq toq kon calô tìah qmòe ka cla, haq yiniq am deh ka kon aih Sêt: 4 Atìq ka Ađam ha-uang ka Sêt, oe rìh tam jah 800 hrinh hanam, ha-uang tam kon calô cadrì. 5 Qmang aih Ađam halình jah 930 hanam. Khoe aih hi cachìt.

6 Sêt jah 105 hanam, ha-uang loh ka Ênoc. 7 Atìq ka i Ênoc, haq oe rìh tam 807 hanam, ha-uang kon calô kon cadrì. 8 Qmang aih Sêt halình jah 912 hanam, khoe aih haq cachìt.

9 Ênoc jah 90 hanam, ha-uang ka Kênan. 10 Atìq ka Ênoc ha-uang Kênan, oe rìh tam 815 hanam, ha-uang kon calô cadrì. 11 Qmang aih Ênoc halình jah 905 hanam, khoe aih hi cachìt

12 Kênan jah 70 hanam, ha-uang Mahalale. 13 Atìq ka ha-uang ka Mahalale, haq halình tam 840 hanam, ha-uang kon calô cadrì. 14 Qmang aih, Kênan halình jah 910 hanam. Khoe aih hi cachìt.

15 Mahalale jah 65 hanam ha-uang ka Jêret. 16 Atìq ka ha-uang Jêret haq oe rìh tam 830 hanam, ha-uang kon calô kon cadrì. 17 Qmang aih Mahalale rìh jah 895 hanam, khoe hi cachìt.

18 Jêret jah 162 hanam ha-uang ka Hênoc, khoe aih rìh tam 800 hanam, ha-uang kon calô kon cadrì. 20 Qmang aih Jêret rìh jah 962 hanam, khoe hi cachìt.

21 Hênoc jah 65 hanam, ha-uang Mêtusêla. 22 Atìq ha-uang ka Mêtusêla, Hênoc lam pajùm ti Boc plình 300 hanam, ha-uang kon calô kon cadrì. 23 Qmang aih Hênoc rìh jah 365 hanam. 24 Hênoc lam pajùm ti Boc plình, khoe aih hi hnhung majah qmang aih Boc plình đìh haq lam.

25 Mêtusêla jah 187 hanam, ha-uang ka Lêmec. 26 Jò Mêtu-sêla khoe ha-uang ka Lêmec, haq oe rìh tam 782 hanam, ha-uang kon calô kon cadrì. 27 Qmang aih Mêtusêla rìh jah 969 hanam, khoe hi cachìt.

28 Lêmec jah 182 hanam, ha-uang mòeq ngai kon calô, 29 Haq yiniq dèh ka kon aih Nô-ê, haq doe: Kon kô èh jah alòng manoh cliac au ta yiniq broq xam kan xalep da taneh ma khoe panan tì kŏng au ep broq, aih la taneh Jêhowa ma khoe hamaiq. 30 Atìq ka Lêmec ha-uang ka Nô-ê, haq rìh tam 595 hanam ha-uang kon calô kon cadrì. 31 Qmang aih Lêmec rìh jah 777 hanam, khoe aih hi cachìt.

32 Jò Nô-ê khoe jah 500 hanam, ha-uang Sem, Cham xam Japhet.