1 Mndewa Imulungu ayo inimkimbilile,

habali monongela,

“Guluka kamba ndege ako kulugongo,

2 kwavija lola iwanhu wehile okwega upinde,

wawika goya umsale,

ili wawatowe mdiziza iwanhu wanogile.

3 Kamba vandusilo vibanangika,

imunhu yanogile kotenda choni?”

4 Mndewa Imulungu ka mng'anda yake ing'ala,

kigoda cha undewa cha Mndewa Imulungu cha kuulanga,

kwa meso gake kowalola iwanhu,

na kojuwa gose gotendigwa.

5 Mndewa Imulungu, kowageza iwanhu wanogile,

lakini kowehila iwanhu wehile na iwanhu wasede.

6 Kowatowela iwanhu wehile mvula ya makala ga moto,

moto na mabwe gokwaka na vuke dokuwa fungu jao.

7 Kwavija Mndewa Imulungu kotenda ganogile,

konogezwa na ganogile,

iwanhu wanogile ochona kihanga chake.