1 Mbaka lini gweye Mndewa Imulungu, konisemwa?

Gweye konisemwa milele?

Mbaka lini konifisa kihanga chako?

2 Mbaka lini nogelegeza?

Mbaka lini nokuwa na lusikisiki mmoyo wangu kila siku?

Mbaka lini iwanhu onihila odeng'helela magazo gangu?

3 Mndewa Imulungu, Imulungu wangu, ulole na unidike,

ugamwemwesele meso gangu,

buleavo nowasa utulo wa ifa.

4 Sikuuleke iwanhu onihila walonge, “Kahumwa!”

Iwanhu onideta sambi wadeng'helele kwavija nigwa.

5 Lakini niye noutamanila unogelo wako hawishaga,

moyo wangu odeng'helela ukombola wako.

6 Nomwimbila Mndewa Imulungu, kwavija kanitendela ganogile.