14 Ita Moses wanase, “Iawe God bola ema enalede, bola sa bedewe odane emalawoala apanawa nanaumone aimone ita du wadamona. Aupe ema epe wana, ‘Bola isiwa tainimboa warereu do waimoi, sa baiwa no do warere da sonabeto onianepi.’✡1 Samuel 8.5 15 Mida e danla bedewe Iawe God sonabedia ituno warerelepi. Ita mai bola da nambea apanawa wisene bedelawo wandia sonabeno warerelepi, dia. 16 Apana sa mai meba baiwa oas uara otepi ona baiwa ba apana waaubamopio leuntopue oas isiwa otepua baiwa Isibtiwa antopu. Ipawa Iawe God wanase, ‘E mai leutane Isibtiwa aitana, diaida.’ 17 Ita do me mai manamanainapa uara naimopi ipawa mo me insaisawa teinawadasapio Iawe God baiwa simbialeidia epie nambelepi.✡1 Kin 11.1-8 Ita do me mai gold ba mane ita dewa daitada mampe mauralepi. 18 Tane e me dewasano warerelepie Liwai damba pirisintoia mampo alepie anaana bukawa bedewe meba baiwa anaana girumalepie wadepi. 19 Ita me buka ema wadepie mampesapie wisialempe os waimpa. Ema epeinta me ando Iawe God wiwirawalempe anaanawa uduudu ruawalempe os waimpa. 20 Me epe dewalepie apanawa bedeuwo meba ituaisilepie ebowa mai debamasapi, dia. Ita me ando mai insaisawa leusaitusapie anaana epiiepie nambe alepi, dia. Ita me nosinosiwa do Israel apanawa oniakasamompo walama dauma dialepi.”