101
ܡܙܡܘܪܐ ܕܕܘܝܕ.
1 ܒܘܼܬ ܛܲܝܒܘܼܬܵܐ ܘܕܝܼܘܵܢ ܒܸܬ ܙܵܡܪܹܢ،
ܐܸܠܘܼܟ݂، ܝܵܐ ܡܵܪܝܵܐ، ܒܸܬ ܫܲܒܚܸܢ.
2 ܒܸܬ ܐܵܙܹܠ݇ܢ ܒܗܵܘܢܵܐ ܒܐܘܼܪܚܵܐ ܬܲܡܝܼܡܬܵܐ.
ܐܝܼܡܲܢ ܒܸܬ ܐܵܬܹܝܬ ܠܟܸܣܠܝܼ؟
ܒܸܬ ܚܵܕܪܹܢ ܒܬܲܡܝܼܡܘܼܬܵܐ ܕܠܸܒܝܼ ܒܓܵܘܵܐ ܕܒܲܝܬܝܼ.
3 ܠܹܐ ܡܲܬܒܸܢ ܩܲܕܡ ܥܲܝܢܝܼ̈ ܡܸܢܕܝܼ ܕܥܵܘܠܵܐ،
ܣܢܹܐ ܠܝܼ ܠܥܒ݂ܵܕܵܐ ܕܩܵܠܒܵܢܹ̈ܐ،
ܠܹܐ ܕܵܒܹܫ ܒܝܼܝܼ.
4 ܠܸܒܵܐ ܦܟ̰ܝܼܠܵܐ ܒܸܬ ܥܵܒܹܪ ܡܸܢܝܼ،
ܒܝܼܫܬܵܐ ܠܹܐ ܝܵܕܥܹܢ.
5 ܗ̇ܘ ܕܡܵܚܹܐ ܕܲܠܩܘܼܒ݂ܠܔ ܕܚܲܒ݂ܪܹܗ ܒܛܸܫܘܵܐ، ܒܸܬ ܛܲܠܩܸܢ ܐܸܠܹܗ،
ܗ̇ܘ ܕܝܼܢܵܐ ܪ̈ܵܡܵܢܹܐ ܥܲܝܢܘܼ̈ܗܝ ܘܫܲܒ݂ܗܸܪܵܢܵܐ ܠܸܒܹܗ، ܠܹܐ ܡܵܨܹܝܢ ܛܵܥܢܹܢ ܐܸܠܹܗ.
6 ܥܲܝܢܝܼ̈ ܥܲܠܔ ܡܗܘܼܡܢܹ̈ܐ ܕܐܲܪܥܵܐ ܝܢܵܐ ܕܝܵܬܒ݂ܝܼ ܥܲܡܝܼ،
ܗ̇ܘ ܕܚܵܕܹܪ ܒܐܘܼܪܚܵܐ ܬܲܡܝܼܡܬܵܐ،
ܗ̇ܘ ܒܸܬ ܥܵܒܹܕ ܚܸܠܡܲܬ ܐܸܠܝܼ.
7 ܠܹܐ ܝܵܬܹܒ݂ ܒܓܵܘܵܐ ܕܒܲܝܬܝܼ ܥܵܒ݂ܕܵܢܵܐ ܕܦܸܠܡܵܐ،
ܗܲܡܙܸܡܵܢܵܐ ܕܕܘܼܓܠܹ̈ܐ ܠܹܐ ܗܵܘܹܐ ܩܸܘܝܵܐ ܩܲܕܡ ܥܲܝܢܝܼ̈.
8 ܨܲܦܪܵܐ ܒܨܲܦܪܵܐ ܒܸܬ ܛܲܠܩܸܢ ܟܠܵܝܗܝ ܪ̈ܲܫܝܼܥܹܐ ܕܐܲܪܥܵܐ،
ܠܸܩܛܵܥܵܐ ܡ̣ܢ ܡܕܝܼܢ݇ܬܵܐ ܕܡܵܪܝܵܐ ܟܠܵܝܗܝ ܦܵܠܚܵܢܹ̈ܐ ܕܥܵܘܠܵܐ.