109
ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ.
1 ܝܵܐ ܐܲܠܵܗܵܐ ܕܬܸܫܒܘܿܚܬܝܼ، ܠܵܐ ܫܵܬܩܹܬ.
2 ܣܵܒܵܒ ܦܘܼܡܵܐ ܪܲܫܝܼܥܵܐ ܘܦܘܼܡܵܐ ܦܵܠܘܿܡܵܐ ܥܲܠܝܼ ܦܬܝܼܚ ܠܗܘܿܢ،
ܗܘܼܡܙܸܡ ܠܗܘܿܢ ܥܲܡܝܼ ܒܠܸܫܵܢܵܐ ܕܲܓܵܠܵܐ.
3 ܘܒܗܹܡܸܙܡܵܢܹ̈ܐ ܕܣܢܵܝܬܵܐ ܩܵܡ ܚܲܪܕܝܼ ܠܝܼ،
ܘܦܠܝܼܫ ܠܗܘܿܢ ܥܲܡܝܼ ܒܠܵܐ ܥܸܠܬܵܐ.
4 ܡ̣ܢ ܓܹܒܵܐ ܕܚܘܼܒܝܼ ܗܘܹܐ ܠܗܘܿܢ ܕܲܠܩܘܼܒ݂ܠܝܼ،
ܟܲܕ ܐܵܢܵܐ ܒܨܠܘܿܬܵܐ.
5 ܘܦܪܝܼܥ ܠܗܘܿܢ ܐܸܠܝܼ ܒܝܼܫܬܵܐ ܡ̣ܢ ܓܹܒܵܐ ܕܛܵܒ݂ܬܵܐ،
ܘܣܢܵܝܬܵܐ ܡ̣ܢ ܓܹܒܵܐ ܕܚܘܼܒܝܼ.
6 ܡܲܩܸܡ ܥܲܠܘܼܗܝ ܪܲܫܝܼܥܵܐ،
ܘܕܲܠܩܘܼܒ݂ܠܵܝܵܐ ܟܵܠܹܐ ܥܲܠܔ ܝܲܡܝܼܢܹܗ.
7 ܐܝܼܡܲܢ ܕܦܵܐܹܫ ܕܝܼܢܵܐ، ܫܒ݂ܘܿܩ ܦܵܠܹܛ ܚܲܝܵܒ݂ܵܐ،
ܘܨܠܘܿܬܹܗ ܚܵܕܪܵܐ ܠܚܛܝܼܬܵܐ.
8 ܗܵܘܝܼ ܝܵܘܡܵܢܘܼ̈ܗܝ ܒܵܨܘܿܪܹ̈ܐ،
ܘܡܕܲܒܪܵܢܘܼܬܹܗ ܫܵܩܹܠܔ ܚܲܕ ܐܚܹܪܢܵܐ.
9 ܗܵܘܝܼ ܒܢܘܿܢܘܼ̈ܗܝ ܝܲܬܘܼܡܹ̈ܐ،
ܘܒܲܟ݂ܬܹܗ ܐܲܪܡܸܠܬܵܐ.
10 ܚܕܵܪܵܐ ܚܵܕܪܝܼ ܒܢܘܿܢܘܼ̈ܗܝ ܘܓܵܒ݂ܝܼ،
ܘܛܵܥܝܼ ܒܵܬܪ ܠܲܚܡܵܐ ܒܕܘܼܟܵܢܵܝ̈ܗܝ ܚܵܪ̈ܵܒܹܐ.
11 ܟ̰ܵܠܹܓ̰ ܡܵܪܵܐ ܕܕܲܝܢܵܐ ܠܟܠܔ ܡܸܢܕܝܼ ܕܐܝܼܬ ܠܹܗ،
ܘܣܵܠܒܝܼ ܢܘܼܟ݂ܪ̈ܵܝܹܐ ܛܥܘܼܢܬܵܐ ܕܥܲܡܠܹܗ.
12 ܠܵܐ ܗܵܘܹܐ ܐܸܠܹܗ ܝܵܗܒ݂ܵܢܵܐ ܕܪ̈ܲܚܡܹܐ،
ܘܠܵܐ ܗܵܘܹܐ ܥܵܒ݂ܕܵܢܵܐ ܕܚܢܵܢܵܐ ܠܝܲܬܘܼܡܘܼ̈ܗܝ.
13 ܦܵܐܹܫ ܩܛܝܼܥܵܐ ܙܲܪܥܹܗ،
ܘܩܵܐ ܕܵܪܵܐ ܐܚܹܪܢܵܐ ܫܸܡܵܝܗܝ ܗܵܘܹܐ ܓܪܝܼܕܵܐ.
14 ܦܵܐܹܫ ܕܟ݂ܝܼܪܵܐ ܥܵܘܠܵܐ ܕܐܲܒ݂ܵܗܵܬܘܼ̈ܗܝ ܠܟܸܣ ܡܵܪܝܵܐ،
ܘܚܛܝܼܬܵܐ ܕܝܸܡܹܗ ܠܵܐ ܦܵܝܫܵܐ ܓܪܝܼܕܬܵܐ.
15 ܗܵܘܝܼ ܩܲܕܡ ܡܵܪܝܵܐ ܒܟܠܔ ܙܲܒ݂ܢܵܐ،
ܘܩܵܛܹܥ ܕܟ݂ܵܪܵܝܗܝ ܡ̣ܢ ܐܲܪܥܵܐ.
16 ܣܵܒܵܒ ܠܵܐ ܕܟ݂ܝܼܪܹܗ ܠܸܥܒ݂ܵܕܵܐ ܛܵܒ݂ܬܵܐ،
ܐܸܠܵܐ ܢܦܝܼܠܔ ܠܹܗ ܒܵܬܪ ܐܢܵܫܵܐ ܡܸܣܟܹܢܵܐ ܘܣܢܝܼܩܵܐ،
ܘܡܘܼܥܝܸܩܵܐ ܒܠܸܒܵܐ، ܠܡܲܡܝܘܼܬܹܐ.
17 ܟܲܕ ܡܘܼܚܸܒ ܠܹܗ ܠܵܘܛܬܵܐ، ܫܒ݂ܘܿܩ ܐܵܬܝܵܐ ܥܲܠܘܼܗܝ،
ܠܵܐ ܒܣܝܼܡ ܠܵܗ̇ ܠܹܗ ܒܒܘܼܪܟܬܵܐ،
ܫܒ݂ܘܿܩ ܪܵܚܩܵܐ ܡܸܢܹܗ.
18 ܘܠܒ݂ܝܼܫ ܠܹܗ ܠܵܘܛܬܵܐ ܐܲܝܟ݂ ܠܒ݂ܝܼܫܬܹܗ،
ܘܥܒ݂ܝܼܪܵܗ̇ ܒܓܵܘܹܗ ܐܲܝܟ݂ ܡ̈ܝܼܵܐ،
ܘܒܓܲܪ̈ܡܘܼܗܝ ܐܲܝܟ݂ ܡܸܫܚܵܐ.
19 ܗܵܘܝܵܐ ܐܸܠܹܗ ܐܲܝܟ݂ ܥܵܒܵܝܬܵܐ ܕܩܵܛܹܒ݂ ܠܵܗ̇ ܠܓܵܢܹܗ،
ܘܐܲܝܟ݂ ܬܲܣܡܵܐ ܒܟܠܔ ܙܲܒ݂ܢܵܐ ܐܵܣܹܪܵܗ̇ ܒܚܲܨܹܗ.
20 ܐܵܗܵܐ ܝܠܹܗ ܦܘܼܪܥܵܢܵܐ ܕܕܲܠܩܘܼܒ݂ܠܵܝܝܼ̈ ܡ̣ܢ ܠܟܸܣ ܡܵܪܝܵܐ،
ܘܕܗܲܡܙܸܡܵܢܹ̈ܐ ܕܒܝܼܫܬܵܐ ܥܲܠܔ ܓܵܢܝܼ.
21 ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ ܐܲܠܵܗܵܐ، ܦܠܘܿܚ ܠܓܹܒܝܼ ܒܘܼܬ ܫܸܡܘܼܟ݂،
ܦܲܨܝܼ ܠܝܼ، ܣܵܒܵܒ ܨܦܵܝܝܼ ܝܠܵܗ̇ ܛܲܝܒܘܼܬܘܼܟ݂.
22 ܣܵܒܵܒ ܡܸܣܟܹܢܵܐ ܘܣܢܝܼܩܵܐ ܝܘܸܢ ܐܵܢܵܐ،
ܘܠܸܒܝܼ ܟ̰ܪܝܼܙܵܐ ܝܠܹܗ ܒܓܵܘܝܼ.
23 ܐܲܝܟ݂ ܛܸܠܵܢܝܼܬܵܐ ܕܒܥܕܵܢܵܐ ܕܓܢܵܝܬܵܐ ܒܸܛܠܵܩܵܐ ܝܘܸܢ،
ܐܲܝܟ݂ ܩܲܡܨܵܐ ܦܝܼܫܵܐ ܝܘܸܢ ܢܦܝܼܨܵܐ.
24 ܒܸܪ̈ܟܵܟܝܼ ܪܓܝܼܕ ܠܗܘܿܢ ܡ̣ܢ ܨܵܘܡܵܐ،
ܘܒܸܣܪܝܼ ܢܘܝܼܠܔ ܠܹܗ ܒܗ̇ܝ ܕܠܲܝܬ ܬܲܪܒܵܐ.
25 ܘܐܵܢܵܐ ܗܘܹܐ ܠܝܼ ܠܵܘܡܵܐ ܐܸܠܵܝܗܝ،
ܟܲܕ ܚܵܙܝܼ ܠܝܼ ܟܹܐ ܫܵܥܫܝܼ ܪܹܝܫܵܝܗܝ.
26 ܗܲܝܸܪܝܼ، ܝܵܐ ܡܵܪܝܵܐ ܐܲܠܵܗܝܼ،
ܦܲܪܸܩ ܠܝܼ ܐܲܝܟ݂ ܛܲܝܒܘܼܬܘܼܟ݂.
27 ܕܝܵܕܥܝܼ ܕܐܝܼܕܘܼܟ݂ ܝܼܠܵܗ̇ ܐܵܗܵܐ،
ܘܐܲܢ݇ܬ، ܝܵܐ ܡܵܪܝܵܐ، ܥܒ݂ܝܼܕܵܐ ܠܘܼܟ݂.
28 ܫܒ݂ܘܿܩ ܐܵܢܝܼ ܠܵܝܛܝܼ، ܐܝܼܢܵܐ ܐܲܢ݇ܬ ܒܲܪܟܸܬ،
ܐܝܼܡܲܢ ܕܩܵܝܡܝܼ ܒܸܬ ܢܵܟ݂ܦܝܼ، ܐܝܼܢܵܐ ܪܹܓܘܼܟ݂ ܒܸܬ ܚܵܕܹܐ.
29 ܠܵܒ݂ܫܝܼ ܕܲܠܩܘܼܒ݂ܠܵܝܝܼ̈ ܢܟܸܦܬܵܐ،
ܘܩܵܛܒ݂ܝܼ ܐܲܝܟ݂ ܥܵܒܵܝܬܵܐ ܢܟܸܦܬܵܝܗܝ.
30 ܪܵܒܵܐ ܒܸܬ ܫܲܟܪܸܢ ܠܡܵܪܝܵܐ ܒܦܘܼܡܝܼ،
ܘܒܓܵܘܵܐ ܕܟܸܢܫܹ̈ܐ ܒܸܬ ܫܲܒܚܸܢܹܗ.
31 ܣܵܒܵܒ ܟܹܐ ܟܵܠܹܐ ܠܝܲܡܝܼܢܵܐ ܕܣܢܝܼܩܵܐ،
ܠܦܲܪܘܼܩܹܗ ܡ̣ܢ ܕܲܝܵܢܹ̈ܐ ܕܢܲܦ̮ܫܹܗ.