110
ܡܙܡܘܪܐ ܕܕܘܝܕ.
1 ܐܡܝܼܪܹܗ ܡܵܪܝܵܐ ܠܡܵܪܝܼ: ”ܝܬܘܿܒ݂ ܠܝܲܡܝܼܢܝܼ،
ܗܲܠܔ ܕܡܲܬܒܸܢ ܕܸܫ̃ܡܸܢܘܼ̈ܟ݂ ܟܘܼܒ݂ܫܵܐ ܬܚܘܿܬ ܐܲܩܠܘܼ̈ܟ݂.“
2 ܚܘܼܛܪܵܐ ܕܥܘܼܫܢܘܼܟ݂ ܒܸܬ ܫܲܕܸܪ ܡܵܪܝܵܐ ܡ̣ܢ ܨܸܗܝܘܿܢ،
ܒܹܐܡܵܪܵܐ: ”ܥܒ݂ܘܿܕ ܫܘܼܠܛܵܢܵܐ ܓܵܘ ܕܸܫ̃ܡܸܢܘܼ̈ܟ݂.“
3 ܥܲܡܘܼܟ݂ ܒܸܬ ܡܲܩܪܸܒ݂ ܓܵܢܹܗ ܒܨܸܒ݂ܝܵܢܵܐ ܒܝܵܘܡܵܐ ܕܚܲܝܠܘܼܟ݂،
ܒܣܸܩ̈ܠܹܐ ܕܩܘܼܕܫܵܐ، ܡ̣ܢ ܡܲܪܒܥܵܐ ܕܨܲܦܪܵܐ،
ܐܸܠܘܼܟ݂ ܛܠܘܼܠܵܐ ܕܝܵܠܕ݇ܘܼܬܘܼܟ݂.
4 ܝܡܹܐ ܠܹܗ ܡܵܪܝܵܐ ܘܠܹܐ ܦܵܫܹܡ:
”ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ
ܒܣܸܕܪܵܐ ܕܡܲܠܟܝܼܙܕܸܩ.“
5 ܡܵܪܝܵܐ ܥܲܠܔ ܝܲܡܝܼܢܘܼܟ݂ ܝܼܠܹܗ،
ܗ̇ܘ ܒܸܬ ܛܵܒܹܚ ܡܲܠܟܹ̈ܐ ܒܝܵܘܡܵܐ ܕܚܸܡܬܹܗ.
6 ܒܸܬ ܕܵܐܹܢ ܓܵܘ ܐܸܡܘܵܬܹ̈ܐ،
ܒܸܬ ܡܵܠܹܐ ܠܗܘܿܢ ܫܠܲܕܹ̈ܐ،
ܒܸܬ ܛܵܒܹܚ ܪܹ̈ܝܫܵܢܹܐ ܥܲܠܔ ܐܲܪܥܵܐ ܪܘܝܼܚܬܵܐ.
7 ܡ̣ܢ ܢܲܚܠܵܐ ܒܐܘܼܪܚܵܐ ܒܸܬ ܫܵܬܹܐ،
ܒܘܼܬ ܐܵܗܵܐ، ܒܸܬ ܡܲܪܸܡ ܪܹܝܫܹܗ.