68
ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. ܙܡܪܬܐ.
1 ܟܹܐ ܩܵܐܹܡ ܐܲܠܵܗܵܐ، ܟܹܐ ܒܲܪܒܸܙܝܼ ܕܸܫ̃ܡܸܢܘܼ̈ܗܝ،
ܘܥܵܪܩܝܼ ܣܵܢܝܵܢܘܼ̈ܗܝ ܡ̣ܢ ܩܲܕܡܘܼܗܝ.
2 ܐܲܝܟ݂ ܕܦܵܐܹܫ ܒܘܼܪܒܸܙܵܐ ܬܸܢܵܐ ܒܲܪܒܸܙܸܬ ܠܗܘܿܢ،
ܐܲܝܟ݂ ܕܦܵܫܪܵܐ ܫܲܡܲܥ ܡ̣ܢ ܩܲܕܡ ܢܘܼܪܵܐ،
ܛܵܠܩܝܼ ܪ̈ܲܫܝܼܥܹܐ ܡ̣ܢ ܩܲܕܡ ܐܲܠܵܗܵܐ.
3 ܐܝܼܢܵܐ ܙܲܕܝܼܩܹ̈ܐ ܚܵܕܝܼ ܘܦܵܨܚܝܼ ܩܲܕܡ ܐܲܠܵܗܵܐ،
ܘܗܵܘܝܼ ܦܨܝܼܚܹܐ ܒܚܲܕܘܼܬܵܐ.
4 ܫܲܒܚܘܼܢ ܠܐܲܠܵܗܵܐ، ܙܡܘܿܪܘܼܢ ܫܸܡܹܗ،
ܡܲܪܡܘܼܢ ܠܪܲܟܵܒ݂ܵܐ ܒܕܸܫܝܵܬܹ̈ܐ،
ܡܵܪܝܵܐ ܝܠܹܗ ܫܸܡܹܗ،
ܘܦܨܘܿܚܘܼܢ ܩܲܕܡܘܼܗܝ.
5 ܒܵܒܵܐ ܕܝܲܬܘܼܡܹ̈ܐ ܘܥܵܒ݂ܕܵܢܵܐ ܕܕܝܼܘܵܢ ܕܐܲܪ̈ܡܸܠܝܵܬܹܐ،
ܐܲܠܵܗܵܐ ܒܡܲܥܡܪܵܐ ܕܩܘܼܕܫܹܗ.
6 ܐܲܠܵܗܵܐ ܟܹܐ ܡܲܬܸܒ݂ ܒܒܲܝܬܵܐ ܠܐܵܢܝܼ ܕܝܼܢܵܐ ܒܢܲܦ̮ܫܵܝܗܝ،
ܟܹܐ ܦܲܠܸܛ ܐܲܣܝܼܪܹ̈ܐ ܠܟܲܫܝܼܪܘܼܬܵܐ،
ܐܝܼܢܵܐ ܡܵܪ̈ܘܿܕܹܐ ܟܹܐ ܥܵܡܪܝܼ ܒܐܲܪܥܵܐ ܨܗܝܼܬܵܐ.
7 ܝܵܐ ܐܲܠܵܗܵܐ، ܟܲܕ ܦܠܝܼܛ ܠܘܼܟ݂ ܩܲܕܡ ܥܲܡܘܼܟ݂،
ܒܦܣܵܥܬܘܼܟ݂ ܓܵܘ ܒܲܪܝܼܵܐ،
ܣܹܠܵܗ
8 ܐܲܪܥܵܐ ܫܥܝܼܫ ܠܵܗ̇،
ܐܘܼܦ ܫܡܲܝܹ̈ܐ ܡܘܼܢܛܸܦ ܠܗܘܿܢ ܡܸܛܪܵܐ ܩܲܕܡ ܐܲܠܵܗܵܐ،
ܐܲܠܵܗܵܐ ܕܐܵܗܵܐ ܣܝܼܢܲܝ؛ ܡ̣ܢ ܩܲܕܡ ܐܲܠܵܗܵܐ، ܐܲܠܵܗܵܐ ܕܐܝܼܣܪܵܐܹܝܠܔ.
9 ܡܸܛܪܵܐ ܕܨܸܒ݂ܝܵܢܵܐ ܡܘܼܫܦܸܟ݂ ܠܘܼܟ݂، ܝܵܐ ܐܲܠܵܗܵܐ،
ܠܝܵܪܬܘܼܬܘܼܟ݂ ܟܲܕ ܢܘܝܼܠܔ ܠܵܗ̇ ܐܲܢ݇ܬ ܬܘܼܪܣܝܼܵܐ ܠܘܼܟ݂.
10 ܦܸܣܩܘܼܟ݂ ܝܬܝܼܒ݂ ܠܗܘܿܢ ܓܵܘܘܼܗ̇،
ܬܘܼܪܣܹܐ ܠܘܼܟ݂ ܒܛܲܝܒܘܼܬܘܼܟ݂ ܠܡܸܣܟܹܢܹ̈ܐ، ܝܵܐ ܐܲܠܵܗܵܐ.
11 ܡܵܪܝܵܐ ܟܹܐ ܝܵܗܒܹܠܔ ܦܘܼܩܕܵܢܵܐ،
ܘܒܲܟ݂ܬܵܬܹ̈ܐ ܕܡܲܫܚܸܕܝܼ ܠܹܗ ܚܲܝܠܵܐ ܓܘܼܪܵܐ ܝܢܵܐ.
12 ܡܲܠܟܹ̈ܐ ܕܚܲܝܠܵܘܵܬܹ̈ܐ ܟܹܐ ܥܵܪܩܝܼ، ܟܹܐ ܥܵܪܩܝܼ،
ܘܥܵܡܪܵܢܬܵܐ ܕܒܲܝܬܵܐ ܟܹܐ ܦܲܠܥܵܐ ܣܠܵܒܬܵܐ.
13 ܐܵܦܸܢ ܕܕܵܡܟ݂ܝܼܬܘܿܢ ܒܓܵܘܵܐ ܕܓܘܼܡܵܢܹ̈ܐ،
ܓܘܼܠܦܵܢܹ̈ܐ ܕܝܵܘܢܵܐ ܩܪܝܼܡܹܐ ܝܢܵܐ ܒܣܹܐܡܵܐ،
ܘܦܲܪ̈ܘܼܗ̇ ܒܕܲܗܒ݂ܵܐ ܡܲܙܪܘܼܟ̰ܹܐ ܩܝܼܢܵܐ.
14 ܟܲܕ ܒܘܼܪܒܸܙ ܠܹܗ ܐܹܝܠܔ ܫܲܕܲܝ ܡܲܠܟܹ̈ܐ ܓܵܘܘܼܗ̇،
ܒܸܥܪܵܝܵܐ ܝܗܘܵܐ ܬܲܠܓܵܐ ܓܵܘ ܨܲܠܡܘܿܢ.
15 ܛܘܼܪܵܐ ܕܐܲܠܵܗܵܐ ܛܘܼܪܵܐ ܕܒܲܝܫܵܢ ܝܼܠܹܗ،
ܛܘܼܪܵܐ ܡܵܪܹܐ ܩܲܪ̈ܩܲܦܝܵܬܹܐ ܝܠܹܗ ܛܘܼܪܵܐ ܕܒܲܝܫܵܢ.
16 ܝܵܐ ܛܘܼܪ̈ܵܢܹܐ ܡܵܪܹܐ ܩܲܪ̈ܩܲܦܝܵܬܹܐ، ܩܵܡܘܿܕܝܼ ܚܵܝܪܝܼܬܘܿܢ ܒܥܲܝܢܵܐ ܕܒܲܚܲܠܬܵܐ
ܠܛܘܼܪܵܐ ܕܒܣܝܼܡ ܠܵܗ̇ ܠܹܗ ܐܲܠܵܗܵܐ ܠܸܬܝܵܒ݂ܵܐ ܓܵܘܹܗ،
ܐܘܼܦ ܠܥܵܠܲܡ ܡܵܪܝܵܐ ܒܸܬ ܫܵܪܹܐ ܓܵܘܹܗ.
17 ܡܲܪ̈ܟܒ݂ܵܬܹܐ ܕܐܲܠܵܗܵܐ ܬܲܪܬܹܝ ܪܸ̈ܒܘܵܬܹܐ ܝܢܵܐ، ܐܲܠܦܹ̈ܐ ܥܲܠܔ ܐܲܠܦܹ̈ܐ،
ܡܵܪܝܵܐ ܕܣܝܼܢܲܝ ܒܓܵܘܵܝܗܝ ܝܠܹܗ ܒܩܲܕܝܼܫܘܼܬܵܐ.
18 ܐܣܝܼܩ ܠܘܼܟ݂ ܠܡܪܵܘܡܵܐ، ܠܘܼܒܸܠܔ ܠܘܼܟ݂ ܐܲܣܝܼܪܹ̈ܐ ܠܐܲܣܝܼܪܘܼܬܵܐ،
ܫܩܝܼܠܔ ܠܘܼܟ݂ ܡܵܘܗܒ݂ܵܬܹ̈ܐ ܡ̣ܢ ܒܢܲܝ̈ܢܵܫܵܐ،
ܘܐܘܼܦ ܡ̣ܢ ܡܵܪ̈ܘܿܕܹܐ، ܕܫܵܪܹܐ ܡܵܪܝܵܐ ܐܲܠܵܗܵܐ ܬܵܡܵܐ.
19 ܒܪܝܼܟ݂ܵܐ ܝܠܹܗ ܡܵܪܝܵܐ،
ܝܵܘܡܵܐ ܒܝܵܘܡܵܐ ܟܹܐ ܛܵܥܹܢ ܝܘܼܩܪܲܢ،
ܐܲܠܵܗܵܐ ܕܦܘܼܪܩܵܢܲܢ.
ܣܹܠܵܗ
20 ܐܲܠܵܗܵܐ ܐܸܠܲܢ ܐܲܠܵܗܵܐ ܕܦܘܼܪ̈ܩܵܢܹܐ ܝܠܹܗ،
ܘܕܐܲܠܵܗܵܐ ܡܵܪܝܵܐ ܝܢܵܐ ܦܠܵܛܹ̈ܐ ܡ̣ܢ ܡܵܘܬܵܐ.
21 ܒܫܪܵܪܵܐ ܐܲܠܵܗܵܐ ܒܸܬ ܒܵܠܹܣ ܪܹܝܫܵܐ ܕܕܸܫ̃ܡܸܢܘܼ̈ܗܝ،
ܩܲܪܩܲܦܬܵܐ ܡܸܙܬܵܢܬܵܐ ܕܚܵܕܪܵܢܵܐ ܒܓܢܵܗܘܼ̈ܗܝ.
22 ܐܡܝܼܪܹܗ ܡܵܪܝܵܐ: ”ܡ̣ܢ ܒܲܝܫܵܢ ܒܸܬ ܡܲܕܸܪܸܢܗܘܿܢ،
ܒܸܬ ܡܲܕܸܪܸܢܗܘܿܢ ܡ̣ܢ ܥܘܼܡܩܹ̈ܐ ܕܝܵܡܵܐ،
23 ”ܩܵܐ ܕܒܵܠܣܵܐ ܠܗܘܿܢ ܐܲܩܠܘܼܟ݂ ܒܕܸܡܵܐ،
ܘܠܸܫܵܢܹ̈ܐ ܕܟܲܠܒܘܼ̈ܟ݂ ܩܲܒܠܝܼ ܣܵܗܡܵܝܗܝ ܡ̣ܢ ܕܸܫ̃ܡܸܢܹ̈ܐ.“
24 ܚܙܹܐ ܠܗܘܿܢ ܙܘܼܝܵܚܘܼ̈ܟ݂، ܝܵܐ ܐܲܠܵܗܵܐ،
ܙܘܼܝܵܚܹ̈ܐ ܕܐܲܠܵܗܝܼ ܡܲܠܟܝܼ ܒܒܹܝܬ ܩܘܼܕܫܵܐ.
25 ܩܘܼܕܸܡ ܠܗܘܿܢ ܙܲܡܵܪܹ̈ܐ، ܒܵܬܪܵܝܗܝ ܡܵܚܝܵܢܹ̈ܐ ܕܩܝܼܬܵܪܹ̈ܐ،
ܒܓܵܘܵܐ ܕܥܠܲܝܡܵܬܹ̈ܐ ܡܵܚܝܵܢܹ̈ܐ ܕܦܠܲܓܹ̈ܐ.
26 ܓܵܘ ܟܢܘܼܫܝܹ̈ܐ ܒܲܪܟ݂ܘܼܢ ܠܐܲܠܵܗܵܐ،
ܒܲܪܟ݂ܘܼܢ ܠܡܵܪܝܵܐ، ܐܲܚܬܘܿܢ ܕܡ̣ܢ ܡܲܒܘܼܥܵܐ ܕܐܝܼܣܪܵܐܹܝܠܔ.
27 ܬܵܡܵܐ ܝܠܹܗ ܒܸܢܝܵܡܹܝܢ ܙܥܘܿܪܵܐ، ܫܲܠܝܼܛܵܝܗܝ،
ܓܘܼܪ̈ܵܢܹܐ ܕܝܼܗܘܼܕܵܐ ܒܟܸܢܫܵܝ̈ܗܝ،
ܓܘܼܪ̈ܵܢܹܐ ܕܙܒ݂ܘܿܠܘܿܢ ܘܓܘܼܪ̈ܵܢܹܐ ܕܢܲܦ̮ܬܵܠܝܼ.
28 ܦܩܘܿܕ، ܝܵܐ ܐܲܠܵܗܵܐ، ܥܘܼܫܢܘܼܟ݂،
ܚܲܠܸܢ، ܝܵܐ ܐܲܠܵܗܵܐ، ܡܸܢܕܝܼ ܕܦܠܝܼܚ ܠܘܼܟ݂ ܐܸܠܲܢ.
29 ܡ̣ܢ ܗܲܝܟܠܘܼܟ݂ ܒܐܘܿܪܸܫܠܸܡ،
ܡܲܠܟܹ̈ܐ ܒܸܬ ܡܲܝܬܝܼ ܠܘܼܟ݂ ܕܲܫܢܹ̈ܐ.
30 ܢܓ̰ܘܿܘ ܒܗܲܝܘܵܢ ܕܙܹܠܵܐ،
ܒܓ̰ܵܡܵܥܲܬ ܕܬܵܘܪܹ̈ܐ ܥܲܡ ܡܘܼܓ̰ܹ̈ܐ ܕܥܲܡܡܹ̈ܐ،
ܡܲܟܘܼܦܹܐ ܓܵܢܵܝܗܝ ܘܡܲܩܪܘܼܒܹܐ ܩܸܛܥܵܛܹ̈ܐ ܕܣܹܐܡܵܐ،
ܒܲܪܒܸܙ ܥܲܡܡܹ̈ܐ ܕܟܹܐ ܒܵܣܡܵܐ ܠܗܘܿܢ ܒܦܠܵܫܹ̈ܐ.
31 ܒܸܬ ܐܵܬܝܼ ܐܝܼܙܓܲܕܹ̈ܐ ܡ̣ܢ ܡܸܨܪܹܝܢ،
ܟܘܼܫ ܒܸܬ ܦܲܫܛܵܐ ܐܝܼܕܵܬܘܼ̈ܗ̇ ܠܐܲܠܵܗܵܐ.
32 ܝܵܐ ܡܲܠܟܘܵܬܹ̈ܐ ܕܐܲܪܥܵܐ، ܫܲܒܚܘܼܢ ܠܐܲܠܵܗܵܐ،
ܙܡܘܿܪܘܼܢ ܠܡܵܪܝܵܐ،
ܣܹܠܵܗ
33 ܠܪܵܟܒ݂ܵܢܵܐ ܕܥܲܠܔ ܫܡܲܝ̈ ܫܡܲܝܹ̈ܐ ܩܲܕܝܼܡܵܝܹ̈ܐ،
ܗܵܐ، ܪܲܦܘܼܝܹܗ ܩܵܠܹܗ، ܩܵܠܵܐ ܙܲܪܒܵܢܵܐ.
34 ܗܲܒ݂ܠܘܼܢ ܥܘܼܫܢܵܐ ܠܐܲܠܵܗܵܐ،
ܥܲܠܔ ܐܝܼܣܪܵܐܹܝܠܔ ܝܠܵܗ̇ ܪܵܡܘܼܬܹܗ،
ܘܚܲܝܠܹܗ ܒܪܩܝܼܥܵܐ.
35 ܣܲܗܡܵܢܵܐ ܝܘܸܬ، ܝܵܐ ܐܲܠܵܗܵܐ، ܡ̣ܢ ܡܲܩܕܫܘܼܟ݂،
ܐܲܠܵܗܵܐ ܕܐܝܼܣܪܵܐܹܝܠܔ ܗ̇ܘ ܟܹܐ ܝܵܗܒܹܠܔ ܥܘܼܫܢܵܐ ܘܚܲܝܠܵܐ ܠܥܲܡܵܐ،
ܒܪܝܼܟ݂ܵܐ ܝܠܹܗ ܐܲܠܵܗܵܐ.