79
ܡܙܡܘܪܐ ܕܐܣܦ.
1 ܝܵܐ ܐܲܠܵܗܵܐ، ܥܒ݂ܝܼܪܗܘܿܢ ܐܸܡܘܵܬܹ̈ܐ ܠܓܵܘ ܝܵܪܬܘܼܬܘܼܟ݂،
ܟ̰ܘܼܦܠܸܢܗܘܿܢ ܠܗܲܝܟܠܵܐ ܕܩܘܼܕܫܘܼܟ݂،
ܡܘܼܚܕܸܪܵܐ ܠܗܘܿܢ ܐܘܿܪܸܫܠܸܡ ܠܚܵܪ̈ܵܒܹܐ.
2 ܝܘܼܗܒܹܠܔ ܠܗܘܿܢ ܫܠܲܕܵܐ ܕܪܹ̈ܓܵܘܵܬܘܼܟ݂ ܡܹܐܟ݂ܘܼܠܬܵܐ ܠܦܵܪܲܚܬܵܐ ܕܫܡܲܝܵܐ،
ܒܸܣܪܵܐ ܕܙܲܕܝܼܩܘܼ̈ܟ݂ ܠܚܲܝܘܬܵܐ ܕܐܲܪܥܵܐ.
3 ܫܘܼܦܸܟ݂ ܠܗܘܿܢ ܕܸܡܵܝܗܝ ܐܲܝܟ݂ ܡ̈ܝܼܵܐ ܠܚܵܕܸܪ̈ܘܵܢܹܐ ܕܐܘܿܪܸܫܠܸܡ،
ܘܠܲܝܬ ܗܘܵܐ ܩܵܒ݂ܪܵܢܵܐ.
4 ܗܘܹܐ ܠܲܢ ܠܵܘܡܵܐ ܠܫܒ݂ܵܒܲܢ̈،
ܡܲܣܠܲܝܬܵܐ ܘܡܲܣܚܲܪܬܵܐ ܠܐܵܢܝܼ ܕܝܼܢܵܐ ܠܚܵܕܸܪ̈ܘܵܢܲܢ.
5 ܗܲܠܔ ܐܝܼܡܲܢ، ܝܵܐ ܡܵܪܝܵܐ؟ ܒܸܬ ܟܵܪܒܹܬ ܠܥܵܠܲܡ؟
ܒܸܬ ܝܵܩܹܕ ܐܲܝܟ݂ ܢܘܼܪܵܐ ܛܢܵܢܘܼܟ݂؟
6 ܫܲܦܸܟ݂ ܚܸܡܬܘܼܟ݂ ܥܲܠܔ ܐܸܡܘܵܬܹ̈ܐ ܕܠܹܐ ܝܵܕܥܝܼ ܠܘܼܟ݂،
ܘܥܲܠܔ ܡܲܠܟܘܵܬܹ̈ܐ ܕܒܫܸܡܘܼܟ݂ ܠܹܐ ܩܵܪܝܼ.
7 ܣܵܒܵܒ ܦܘܼܪܦܸܛ ܠܗܘܿܢ ܠܝܲܥܩܘܿܒ݂،
ܘܠܕܘܼܝܵܪܹܗ ܡܘܼܚܪܸܒ݂ ܠܗܘܿܢ.
8 ܠܵܐ ܕܵܟ݂ܪܹܬ ܥܲܠܲܢ ܥܵܘ̈ܠܹܐ ܩܲܕܝܼܡܵܝܹ̈ܐ،
ܡܲܠܝܸܙ ܠܡܲܬܦܘܼܩܹܐ ܒܝܼܲܢ ܪ̈ܲܚܡܘܼܟ݂،
ܣܵܒܵܒ ܦܝܼܫ ܠܲܢ ܡܘܼܟܸܦܹܐ ܪܵܒܵܐ.
9 ܗܲܝܸܪܲܢ، ܝܵܐ ܐܲܠܵܗܵܐ ܕܦܘܼܪܩܵܢܲܢ، ܒܘܼܬ ܚܸܩܪܵܐ ܕܫܸܡܘܼܟ݂،
ܘܦܲܨܝܼ ܠܲܢ ܘܥܒ݂ܘܿܕ ܚܘܼܣܵܝܵܐ ܥܲܠܔ ܚܛܝܼܵܬܲܢ̈ ܡ̣ܢ ܥܸܠܬܵܐ ܕܫܸܡܘܼܟ݂.
10 ܩܵܡܘܿܕܝܼ ܐܵܡܪܝܼ ܐܸܡܘܵܬܹ̈ܐ: ”ܐܲܝܟܵܐ ܝܠܹܗ ܐܲܠܵܗܵܝܗܝ؟“
ܫܒ݂ܘܿܩ ܩܲܕܡ ܥܲܝܢܲܢ̈ ܦܵܐܹܫ ܝܕܝܼܥܵܐ ܓܵܘ ܐܸܡܘܵܬܹ̈ܐ
ܕܐܲܢ݇ܬ ܟܹܐ ܫܵܩܠܹܬ ܬܘܼܥܠܵܐ ܕܕܸܡܵܐ ܕܪܹ̈ܓܵܘܵܬܘܼܟ݂ ܕܦܝܼܫ ܠܹܗ ܫܘܼܦܟ݂ܵܐ.
11 ܐܵܬܝܵܐ ܩܲܕܡܘܼܟ݂ ܬܲܢܲܚܬܵܐ ܕܐܲܣܝܼܪܵܐ،
ܒܪܲܒܘܼܬܵܐ ܕܕܪܲܥܢܘܼܟ݂ ܫܪܝܼ ܠܒܢܲܝ̈ ܡܵܘܬܵܐ.
12 ܘܡܲܕܸܪ ܠܥܘܼܒܵܐ ܕܫܒ݂ܵܒܲܢ̈ ܚܲܕ ܒܫܲܒ݂ܥܵܐ
ܠܵܘܡܵܝܗܝ، ܗ̇ܘ ܕܩܵܡ ܠܵܝܡܝܼ ܠܘܼܟ݂ ܒܝܼܹܗ، ܝܵܐ ܡܵܪܝܵܐ.
13 ܘܐܲܚܢܲܢ ܐܢܵܫܘܼ̈ܟ݂ ܘܦܸܣܩܵܐ ܕܡܲܪܥܝܼܬܘܼܟ݂،
ܒܸܬ ܫܲܟܪܲܚ ܠܘܼܟ݂ ܠܥܵܠܲܡ،
ܠܕܵܪܵܐ ܘܕܵܪܵܐ ܒܸܬ ܗܲܩܲܚ ܬܸܫܒܘܿܚܬܘܼܟ݂.