80
ܠܪܝܫ ܓܘܕܐ ܕܙܡܪ̈ܐ. ܥܠܔ ܫܘܼܫܲܢܝܼܡ ܥܹܕܘܿܬ. ܡܙܡܘܪܐ ܕܐܣܦ.
1 ܝܵܐ ܪܵܥܝܵܐ ܕܐܝܼܣܪܵܐܹܝܠܔ، ܗܲܒ݂ܠܔ ܢܵܬܵܐ،
ܝܵܐ ܡܕܲܒܪܵܢܵܐ ܕܝܵܘܣܸܦ ܐܲܝܟ݂ ܦܸܣܩܵܐ.
ܝܵܐ ܝܵܬܒ݂ܵܢܵܐ ܒܹܝܠܔ ܟܪ̈ܘܿܒܹܐ، ܙܪܘܿܩ.
2 ܩܲܕܡ ܐܲܦܪܹܝܡ، ܘܒܸܢܝܵܡܹܝܢ، ܘܡܢܲܫܹܐ، ܡܲܪܥܸܫ ܠܓܲܒܵܪܘܼܬܘܼܟ݂،
ܘܬܵܐ ܠܦܘܼܪܩܵܢܲܢ.
3 ܝܵܐ ܐܲܠܵܗܵܐ، ܡܲܕܸܪܲܢ،
ܘܒܲܗܪܸܢ ܦܵܬܘܼܟ݂ ܕܦܵܝܫܲܚ ܦܘܼܪܩܹܐ.
4 ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ،
ܗܲܠܔ ܐܝܼܡܲܢ ܒܸܬ ܟܵܪܒܹܬ ܥܲܠܔ ܨܠܘܿܬܵܐ ܕܥܲܡܘܼܟ݂؟
5 ܡܘܼܐܟ݂ܠܵܝ ܠܘܼܟ݂ ܠܲܚܡܵܐ ܕܕܸܡܥܝܼܬܵܐ،
ܘܡܘܼܫܬܝܼܵܝ ܠܘܼܟ݂ ܕܸܡ̈ܥܹܐ ܒܟܝܘܼܠܵܐ ܓܘܼܪܵܐ.
6 ܥܒ݂ܝܼܕܲܚ ܠܘܼܟ݂ ܡܲܩܲܪܵܨܘܼܬܵܐ ܠܫܒ݂ܵܒܲܢ̈،
ܘܒܹܝܠܵܝܗܝ ܡܘܼܣܚܸܪܗܘܿܢ ܕܸܫ̃ܡܸܢܲܢ̈ ܒܝܼܲܢ.
7 ܝܵܐ ܐܲܠܵܗܵܐ ܚܲܝܠܬܵܢܵܐ، ܡܲܕܸܪܲܢ،
ܘܒܲܗܪܸܢ ܦܵܬܘܼܟ݂ ܕܦܵܝܫܲܚ ܦܘܼܪܩܹܐ.
8 ܓܸܦܬܵܐ ܡ̣ܢ ܡܸܨܪܹܝܢ ܦܘܼܠܛܵܐ ܠܘܼܟ݂،
ܛܪܝܼܕ ܠܘܼܟ݂ ܠܐܸܡܘܵܬܹ̈ܐ ܘܢܨܝܼܒ݂ܵܐ ܠܘܼܟ݂ ܒܫܵܘܦܵܝܗܝ.
9 ܗܘܼܕܸܪܘܼܟ݂ ܥܲܦܪܘܼܗ̇،
ܘܕܒ݂ܝܼܩ ܠܵܗ̇ ܥܸܩܪܘܼܗ̇، ܘܡܠܹܐ ܠܵܗ̇ ܐܲܪܥܵܐ.
10 ܦܝܼܫ ܠܗܘܿܢ ܡܘܼܟܣܹܐ ܛܘܼܪ̈ܵܢܹܐ ܡ̣ܢ ܛܸܠܵܢܝܼܬܘܼܗ̇،
ܘܐܲܪ̈ܙܹܐ ܓܘܼܪܹ̈ܐ ܡ̣ܢ ܦܲܥܘܵܢܘܼ̈ܗ̇.
11 ܦܘܼܫܸܛ ܠܵܗ̇ ܦܲܥܘܵܢܘܼ̈ܗ̇ ܗܲܠܔ ܝܵܡܵܐ،
ܘܦܪܝܼܣ ܠܵܗ̇ ܠܢܲܗܪܵܐ ܨܸܒܥܵܬܘܼ̈ܗ̇.
12 ܩܵܡܘܿܕܝܼ ܬܪܝܼܥ ܠܘܼܟ݂ ܣܝܵܓ݂ܘܼܗ̇،
ܘܢܟ̰ܝܼܠܔ ܠܗܘܿܢ ܡܸܢܘܼܗ̇ ܟܠܵܝܗܝ ܥܵܒ݂ܪ̈ܵܢܹܐ ܕܐܘܼܪܚܵܐ.
13 ܐܟ݂ܵܠܵܐ ܒܹܐܟ݂ܵܠܘܼܗ̇ ܝܠܹܗ ܚܙܘܼܪܵܐ ܡ̣ܢ ܥܵܒ݂ܵܐ،
ܘܓ̰ܵܘܓ̰ܵܢܹ̈ܐ ܕܕܸܫܬܵܐ ܒܸܪܥܵܝܘܼܗ̇ ܝܢܵܐ.
14 ܝܵܐ ܐܲܠܵܗܵܐ ܚܲܝܠܬܵܢܵܐ، ܕܘܼܪ ܐܵܕܝܼܵܐ،
ܚܘܼܪ ܡ̣ܢ ܫܡܲܝܵܐ ܘܚܙܝܼ، ܘܣܲܚܒܸܪ ܠܐܵܗܵܐ ܓܸܦܬܵܐ،
15 ܠܥܸܩܪܵܐ ܕܢܨܝܼܒ݂ ܠܵܗ̇ ܝܲܡܝܼܢܘܼܟ݂،
ܠܒܪܘܿܢܵܐ ܕܚܘܼܠܸܢܘܼܟ݂ ܩܵܐ ܓܵܢܘܼܟ݂.
16 ܡܘܼܩܸܕܬܵܐ ܝܠܵܗ̇ ܒܢܘܼܪܵܐ، ܦܪܝܼܡܬܵܐ ܝܠܵܗ̇،
ܡ̣ܢ ܢܓ̰ܵܘܬܵܐ ܕܦܵܬܘܼܟ݂ ܟܹܐ ܛܵܠܩܝܼ.
17 ܗܵܘܝܵܐ ܐܝܼܕܘܼܟ݂ ܠܐܢܵܫܵܐ ܕܡ̣ܢ ܝܲܡܝܼܢܘܼܟ݂،
ܠܒܪܘܿܢܵܐ ܕܐܢܵܫܵܐ ܕܚܘܼܠܸܢܘܼܟ݂ ܩܵܐ ܓܵܢܘܼܟ݂.
18 ܕܠܵܐ ܩܵܠܒܲܚ ܡܸܢܘܼܟ݂،
ܡܲܚܹܝܬ ܠܲܢ، ܘܒܫܸܡܘܼܟ݂ ܒܸܬ ܩܵܪܲܚ.
19 ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، ܡܲܕܸܪܲܢ،
ܒܲܗܪܸܢ ܦܵܬܘܼܟ݂ ܕܦܵܝܫܲܚ ܦܘܼܪܩܹܐ.