111
Dii tↄbↄa
Àleluya!
 
Má Dii sáaukpa ń nↄ̀sɛmɛndoo
ń gbɛ̃maaↄ sãnu balu guu.
Dii yãkɛaↄ zↄ̃ↄ,
gbɛ̃́ pↄ́ à kàńguↄ ì a wàaipa.
Aà yãkɛaↄ bɛɛɛ ń gawio vĩ,
aà yãkɛa a zɛ́wa láaa vĩo.
Dii tò a yãbↄnsaɛkɛaↄ dↄ̀wágu,
a sùuu ń sósobio vĩ.
Ì blɛ kpa a vĩakɛnaↄwa,
aà bàakuańnↄ yã́ lí sãaaguo.
À a gbãa ↄ̀lↄ a gbɛ̃́ↄnɛ yãkɛa guu,
à buipãleↄ bùsuↄ kpàmá.
Yã́ pↄ́ a kɛ̀ↄ náai vĩ mɛ́ a zɛvĩ,
yã́ pↄ́ a dìlɛↄ sĩana vĩ píiɛ.
Yã́piↄ zĩ́naↄ pɛ́lɛa gↄↄpii,
ì yãkɛ a zɛ́wa náai guu.
À suabana zĩ̀ à a gbɛ̃́ↄ bò,
aà bàa kúńnↄ gↄↄpii.
Aà tↄ́ kua adoa mɛ́ ì to vĩa ń kṹ.
10 Vĩakɛa Diiɛ mɛ́ ↄ̃nↄ zĩ́na ũ,*
gbɛ̃́ pↄ́ ì vĩakɛɛ̀ wɛzɛ̃ gbãa.
Aà táasilɛa aↄ láaa vĩo.
* 111:10 Yaa 1.7, 9.10