114
Gɛ̃amusu dikpɛ lɛ
Kɛ́ Isailiↄ bↄ̀ Egipi,
kɛ́ Yakↄbu buiↄ bↄ̀ bui zĩ̀loↄ guu,*
Yuda bùsu gↄ̃̀ Dii kúkĩi ũ,
Isaili bùsu gↄ̃̀ aà kiblekĩi ũ.
 
Ísia Tɛ̃a è ↄ̃ à bàalɛ̀,
Yuudɛ̃ í kpɛkpà.
Gbɛ̀sĩsĩↄ vĩ̀vĩ lán sãↄwa,
sĩ̀sĩↄ ↄyaayè lán bleↄwa.
 
Ísia, bↄ́mɛ n le n bàalɛ̀i?
Yuudɛ̃, àkɛa n kpɛkpài?
Gbɛ̀sĩsĩↄ, bↄ́yãi a vĩvĩ lán sãↄwai?
Sĩ̀sĩↄ, àkɛa a ↄyaayè lán bleↄwai?
 
Dṹnia, lualua Dii mↄa guu,
dee Yakↄbu Luapi aɛ.
À gbɛsi kɛ̀ ibↄkĩi ũ,§
à gbɛkão lìlɛ nibↄna ũ.
* 114:1 Bↄa 12.51 114:3 Bↄa 14.21 114:3 Yoz 3.16 § 114:8 Bↄa 17.1-6, Nao 20.10-11